ياليت ماعندي أب أكره أبوي أكرهه لاتلوموني

السلام عليكم
حبيت أفضفض مالقيت غير الله ثم إنتم
راح أقولكم قصتي بإختصار
والله وربي أتمنى ماعندي أبو أحسدكم ياللي ماعندكم
ألحين أكتب لكم ودموعي تنزل على خدي 😆 🙂
مدري وش أكتب مدري من وين أبتدي
لكن إليكم نبذه من القصه
أبوي مطلق أمي من يوم كان عمري12
وألحين عمري 21
أبوي ماندري وش فيه هل هو فيه مرض نفسي أو وسواس قهري
أو عين مو عارفين !
ماعنده أخوان ولا خوات ولا أم ولا أبو كلهم متوفين من زمان
بس هو اللي عاش بينهم
مابي أقول ليته ماعاش هو أبوي لاكن والله ماحبه
أكرهه حسبي الله ونعم الوكيل ع اللي يسويه فينا
إحنا جالسين عند أمي لاكن كل يوم لازم نروح له من4 العصر إلى 10 بالليل يومياً
ولايخلينا نروح لخوالي أو أي مكان ثاني
وإذا تأخرنا ماجينا له عصب علينا وقعد يهوش وإذا رحنا مبكرين لأمي مثلاً الساعه
9 يعصب ويلعن ويسب ويشتمنا إحنا وأمي يقول وش تبون بأمكم تروحون لها
أنتم ماتبوني أنتم ماتحبوني يعني لازم نروح ونجي بالوقت اللي هو يحدده لنا
وإذا قلنا له مافيه أحد يودينا لأمي أنت ودنا قال أحسن ناموا
فـ تضطر أمي المسكينه تدور أحد يجي يودينا لها
هو مايحب أمي مايحب يسمع طاريها بس طاريها مايحب يسمعه
وإحنا وربي مايحبنا مايصرف علينا ياخذ فلوسنا اللي من الضمان
ولا يصرف علينا وماخلانا نجي عنده حباً فينا لأ بس معاند لأمي إحنا وش ذنبنا يسوي كذا فينا 😀
حتى خواتي المتزوجات دايم يقول لهم وش تبون بأمكم تروحون لها لاتزورونها
أمكم فيها وفيها ويقعد يسبها
دايم يروح الشرطه ويشتكيها يقول أنها تعطيني مخدرات ويقول كلام أستغفرالله وأتوب إليه
يقذف المحصنات المؤمنات ياويله من الله
الشرطه عارفين أنه مو صاحي حتى أنه قال لو أشوفها بذبحها وهو لاصار كذا وربي
ينخاف منه عادي يسويها الله يكفينا شره
بس ليش مايشوفون له حل الشرطه حسبي الله عليهم
حتى أخواني الكبار المفروض يشيلونه يعالجونه هو ماكان كذا قبل بس كل سنه يزيد عن سنه
لاكنهم يقولون نخاف من الناس يقولون ودو أبوهم أو يقولون رجموا أبوهم
إحنا ماراح نقطه بدار العجزى إحنا نبي نعالجه نبي نشوف وش فيه ملينا
والله العظيم ملينا 😈 خاصه أنا وأخوي اللي يروح معي وأمي أقسم بالله ماراح أحد يحس فينا
حتى إنتم يمكن ماتحسون فينا أخواني ماحسو فينا لأنه ماسوى فيهم زي ماسوى فينا
أخواني يروحون ويجون يطلعون مع ربعهم يتمشون موب مثلنا أناوأخوي طول اليوم عنده
لانطلع ولا نروح تخيلوا كل يوم وكل ماعصب طلع حرته فينا وعاند أمي فينا أخر شي اليوم قعد يهاوشني
ليش أنه سمع جوال أخوي يدق الساعه9ونص
جا لي وقال هي أمكم اللي دقت قلت لا موب هي قال مدري عنكم أخاف أنكم تروحون زي هذاك اليوم
لأنه مايبينا نروح لأمي قبل 10 قلت هذانا عندك شلون نروح راح وقفل باب الشارع وكل شوي داخل علي ويقط له كم كلمة سب ويطلع
يوم جت عشر راح فتح الباب
بالله عليكم من يرضى بهالعيشه وربي أحسد اللي ماعندهم أبو وربي أحسدهم
ياليت ماعندي أبو دام أبوي كذا
أغبط اللي عندهم أبو يحبهم ويخاف عليهم وينفذ طلباتهم وأتمنى يصير أبوي زيهم
وربي بكون أسعد إنسانه تدمع عيوني لاشفت البنات يتكلمون عن أبوانهم أنهم سوو كذا وسوو كذا أغار منهم ليش أبوي موب زيهم 😳 ليش
تدرون حتى جيرنا ماسلموا منه أذاهم كلهم ماخلا أحد منهم يقول أنتم تكسرون قزاز سيارتي
وأصلاً السياره مافيها شي بس يتخيل
أنا مليت من العيشه عنده أنا بنت مالي إلا أبوي زي مايقول الشرع
أخوي عادي يقدر يقول أبي أعيش عند أمي ماله حق أبوي يمنعه
بس أنا لأ وربي أتمنى أتزوج اليوم قبل بكره أبي أتزووووووووووج 😎
يارب تعوضني بالزوج اللي أتمناه أدعولي أتزوج ربي يسعدكم ويرزقكم بالذريه الصالحه
ويرزقكم اللي تتمنون أدعولي بظهر الغيب وربي للحين أبكي أنا وش ذنبي يصير لي كذا
أنا ماراح أقول ليش بالذات صار لي أنا هالشي ماراح أقول ليش ياربي خليت هذا أبوي
بقول اللهم أني لا أسألك رد القضاء ولاكني أسألك اللطف فيك
يارب أللطف بحالي وارزقني بالزوج اللي أتمناه عاجل غير أجل
هذا الكلام اللي حبيت أقوله نبذه بسيطه فقط وماخفي أعظم ماحبيت أذكره
أسألكم بالله ماحد يطلع إلا وهو داعي لي وله بمثل الدعوه
لاتنسون دعوة المسلم بظهر الغيب مستجابه بإذن الله