ياليت تفسرون حلمي حلمت بأسد

وقت حدوث الحلم بالساعه / الضحى الساعه العاشرة
الحاله الدينيه : عاديه /اقرب للألتزام

الحاله الاجتماعيه: عزباء

المهنه : خريجه ثانوي من سنتين/عمري واحد وعشرين

حالتك قبل النوم : عاديه ونايمه بعد صلاة الفجر

وقت الحلم اليوم الأربعاء 7 شعبان

الحلم ::
ما أذكر الحلم مرة لااني في الحقيقه كثيرة النسياان :)بس بذكر شي منه
حلمت اني كنت في غرفه اخواني الأولاد وكنت جالسه على كبيوتر على سرير واحد من اخوني
كنت اكلم صديقاتي على الماسنجر اعتقد ما أذكر منهم بالظبط الي كنت اكلمهم بس اعتقد انها وحدة اسمها نهال ووحدة فاتن نهال كانت تكلمني مدري عن ايش اعتقد عن وظايف وقلت لها ليه ما خبرتيني قالت ارسلت لك رساله على الجوال وخليت الكبيوتر ورحت للجوال اخوي كان في الغرفه افتح الرسايل اذا جايه لي رساله ولا لا وشفت رسايل وفعلا جايتني رساله طويله وانا اقراها دخل علي اخوي وانا ما سكه جواله وانا يوم شفته ما أهتميت واهو توة جاي من الدوام دوامه ليلي ويناظرني وهو مستغرب :(كنه يقول خير ليه ما خذة جوالي وانا في الحقيقه اصلا ما أمد يدي على جواله او اشوف الرسايل ))))للعلم هو اكبر مني بسنه
سكت هو ما تضايق بس كان مستغرب وانا عادي ما بليت كني اقول له يعني اني ما سويت شي غلط كله جالسه اشوف رساله وبس
بدين جالس يشوف الرساله وقال كيف خلو للرساله خلفيه تعرفين كيف ؟وانا ما شفت اصلا للرساله خلفيه !بس قلت له سهل ما يحتاج مع اني ما عرف للجوالات ما أعتدت عليها واعلمه كيف الطريقه بعدين وانا اخبرة جلس هو يلعب العاب على الجهاز الجوال جات اختي الصغيرة الي اصغر مني 5 سنوات جلست تتكلم ما أذكر وش جالسه تقول
بس فجاءة تغير المكان اول كنت في غرفت اخواني اللحين صرت في ملحقنا وانا واخوي واختي وكنا مستتتااااانسين نضحك ونسولف المهم كذا فجاء الا احنا في الملحق وقدامنا تلفزوون برى وهو بالأساس التلفزيون مو برى بالملحق المهم كنا نطالع قناة ((سبيس بور )) وكان فيها حيوانات وشفت في التلفزيون زي اللحم يعني يتقطع مدري كيف كن احد يحاول يقطع ها اللحم مدري حيوان مدري وش هاذا ما أذكر بس الي اذكرة ان احنا قمنا انا واخوي واختي من مكانا الي هو الملحق قمنا بندخل جو البيت وانا قايمه من الملحق انظر الأرض واشوف قطع لحم في الأرض في السور حقنا وكنت اطالعها مستغربه
وانظر التلفزيون وبعد فيها لحم كان فيه مضاربه بين حيوانين وكل واحد يحاول ينتف اللحم (ما اذكر صراحه )))
المهم رحنا كلنا بندخل الصاله ودخلو اخواني وقدام باب الصاله مطبخنا وانا التفت للمطبخ واشوف المطبخ اذا فيها اسد كبير جالس عند باب المطبخ وكان هادي بس يخوف وانا احس ما خفت مرررة لا احس الوضع شوي راكد دخلت وكنه بيلحقني يمشي بس بشويش دخلت وسكرت باب الصاله وكان باب الصاله حديد المهم كانت اختي الصغيرة في الصاله اقولها شوفي الأسد وانا جالسه اضحك اقولها شوفي يخوف وكان يدخل يديه تحت الباب ويحاول يدخل وعند باب الصاله التلفون وكان السلك حقة طويل عشان كذا ممدود للصاله
قالت اختي شيلي التلفون وخريه لاانه جالس يدخل ايديه في من تحت الباب قمت انا وشلت التلفون ورحت لغرفه الحريم يوم دخلت غرفه الحريم واشوف امي منسدحه نايمه وعليها ثوبها الأحمر التفت للصاله واشوف الأسد يحاااول يدخل والي حوليه تكسر مدري كيف كسرة كن الباب طلع باب سحاب كسر الجوانب ويبي يدخل وانا مستغربه كيف دخل والباب حديد وكسرة وكنت انا انادي اختي الصغيرة اقول لها تعااااالي الأسد جاء وكانت عاديه ما خافت ولا شي وكانت منسدحه في الصاله على بطنها وكنها تزحف تبي تقوم وانا خفت قلت بيجيها وانظر الأسد الا هو دخل الصاله وجيت بسرررعه وسحببببت اختي مع يدينها ودخلتها الغرفه الي كانت امي فيها وقامت امي بعد ما خبرنها عن الأسد قمت انا ودخلت التلفون وقفلت الباب والباب كان خشب والأسد كان ناصينا يبي يدخل وقفلت الباب كم قفله وبديت اخاف اكثر من اول قلت الحديد وكسرة اجل الخشب بدقيقه بيدخل علينا وقلت ان شاء الله بيجي اخوي الي كان معنا لاانه رقاء في الدور الثاني قلت ان شاء الله بينزلون ويشوفون ها الأسد وقصته ها الكلام كان في نفسي واناظر في المجلس الا اشوف طوفريه فيه سكين اقول لختي هاتيها عشان اطعن ايديه لاانه كان يدخلها داخل قالت هي لاااااااا وسكتت وفهمت قصدها يعني لو تحارشينه بيزيد خليه
وقمت كني خبله بعد الحلم هههههههه قلت الحمد الله سليمه خخخخ
وبس خلص حلمي ^_^
وجزاكم خير على تفسيرة مقدما