ياليت احد يسمعني

اخواتي الفراشات
كيف حالكم؟
انا متزوجه ولي 5 سنوات تقريبا
اول ثلاث سنين من زواجي كانت احلى من العسل بس بعدها كل شي تغير
والسبب وحده مادري من وين جابت رقم زوجي وصارت تدق عليه ليل ونهار
ومع الوقت صار مشغول معها ونسيني ونسي عياله
انا اكتشفت السالفه من بدري وكلمته بكل هدوء ووعدني انه مايكلمها
بس قلبي مارتاح ابد لوعده وانتظرت اول فاتوره لجواله وشفتها والمصيبه لقيت انه مستمر في مكالماته لها
ورجعت مره ثانيه وكلمته وكنت حامل وقتها وجاني نزيف من الهم والغم مع العلم اني ماخبرت احد لا من اهلي ولا اهله الى اليوم مايعرفون شي عن السالفه
زوجي لما شاف معاناتي وقف مكالماته وبطل نهائيا بس اكتشفت بعدها بسنه انها تشتغل معه في نفس الشركه
وانا هالحين خايفه حيل انه يكلمها مره ثانيه المصيبه ان الثقه صارت معدومه ماصدقه مثل اول
والله خايفه اخواتي ياليت تساعدوني وترشدوني كيف اعرف انه يكلمها الى الان؟؟