عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرة جاء اخوي معاه صاحبه اوكي، وجاب لنا هدية قهوة يمنية وكانت مررة سودا المهم ، اخوي قال لي بالله سوينا لنا من هذه القهوة، قلت له سم.. من عيوني، وانا والله ماعرف اسوي القهوة بس قلت اكيد مو صعب يعني بسوي زي المسلسلات السورية يحطوها إلين ما تفور وبعدين يرفعوها من النار ، المهم رحت المطبخ وسويت لهم القهوة اووووكي وحطيت بدل السكر…. مــــــــلح خخخخخخخ والله ما عرفت انه ملح شكله مثثثل السكر ، تعرفون سكر نواعم المهم وأخوي جاء واخذها لصحبه ، طبعا اخوي هذا ماله في القهوة والكلام هذا مايحبها ولا يشربها هذا بس يشرب نسكافيه وكبتشينو (( عامل لي فيها متطور..)) المهم صحبه شرب من القهوة وقال ايييييييييييش هذا تحطون في القهوة ملح انتم؟؟ اخوي قال ايش ملح الله يهديك لااا طبعا.. وذاقها اخوي، وقال له مافيه ملح هههههههههههههههه(( اطين مني اخوي)) صحبه قال إلااااا والله هذا مليان ملح.. وجاء اخوي يقول لي ، ترى الولد يقول حاطين ملح في القهوة قلت له كييييييييييف؟؟ وذقته إلا وأشوف اني حطيت ملح بدل السكر خخخخ عاد شوفوا الفشيلة خخخ بس طلع الولد اصيل وشهم ، عملت له قهوة ثانية شربها وهو ساكت وما عمل لي فضايح برة وحكاوي وقر قر..كثير 😆 hy:
المرة الثانية عاد كان في نسوان ضيوف واحدة صحبة امي معاها بنت اختها قدي انا، المهم هذولا جنسيتهم غير اوكي جبنا لهم الشاي امي قالت لي روحي جيبي السكر رحت وجبت السكر(( اللي هو الملـــــــــــح مرة ثانية خخ)) وجيت حطيت في كاسة كل واحدة ملعقتين سكر أقصد ملح هههه البنت اللي قدي هذه اخدت الكباية وقاعدة تشرب… وتشرب… وتشرب.. وهي ساااكتة ماتقول شيء، والمرة تتونس مع امي ، اول ما هذيك اخذت اكباية شربت على طووول قالت ايش هذا ؟ هذا فيه ملح؟؟ عاد انا فهمممممممممممممت الموضوع طبعا صار عندي خبرة في البلاوي هذه، وقلت بكل برااءة وكأني أول مرة اسويها ..(( وي شكلي جبت الملح بدل السكر)) ههههههههههه وتسأل بنت اختها تقول لها ايش فيك ماتقولني ، هذيك المسكينة تقول : انا حسبت هذولا عادتهم يشربوها كده خخخخخخخخخخخخ
😆 🙂
ومرة كان البيت فاضي يعني امي وأبوي والأهل مو موجودين، وانا قلت بسوي لنفسي العشا اوكي، رحت المطبخ قلت خليني اطبخ بيض طبعا عندي خبرة في البيض اطبخه بكل أنوا عه هههههههههه جيت ولقيت مافي غاز خلص الغاااز، قلت امممممممممممم ايش الحل.. على طوول شفت الميكرويف وقلت ياسلااااام والميكرويف هذا مخترعينه ليييييش؟؟ جبت صحن وكسرت فيه كم بيضة اوكي كأني بابطبخ بيض عيون ههههه ودخلته في الميكرويف وشغغغغلت الميكرويييف إلا بعد شوية اسمع لك طاااااااااااخ طييييييييييييخ طووووخ، انا انفجعت ايش ده.. أول مافتحت الميكرويف لقيت الحرب العالمية الثالثة كاانت شغالة جوة الميكرويف خخخخ والجرحى ماليين المكان(( اللي هم البيض المساكين )) مقطعين اشلاء اشلاء هههههههههههه والله ماكنت ادري انه البيض ماينطبخ في الميكرويف ، وبس انسحبت بكرامتي وقلت خليني بلا عشا احسن هههههههههه يالله عاد ابغى ردودكم وعمايلكم انتم
ولا تخلوني اندم على اني كتبت بلاويا هذه، وشوهت سمعتي المطبخية(( من زين سمعتك الله يهديك)) يالله كل واحدة تقول بكل صدق وامانة لاتخافوا ماحد بيعرفك هنا.. ومنتظرة ردودكم لاتفشلوني…سلام
