يالسعوديات .. الى متى نافخين هالاجنبيات ؟؟

اولا وقبل كل شي انا مو حابه اجرح احد
واللي تقول انتي غلطتي ماراح ارد عليها لأن مو قصدي اني اغلط
والكلام موجه للي ثقتها بنفسها يدأت تهتز بسبب المنتديات

بس من جد تراااااكم غثيتونا بمقارناتكم اللي مالها لزمه
كل يوم وحدة منزله موضوع عن الاجنبيات …..

كثرت بالمنتديات المقارنه بين السعوديات والاجنبيات….. مخلين الاجنبيات (كأنهم نازلين من الجنه)
وهالكلام موجه لرجالنا وحريمنا ..

(وانا متأكدة ان اغلب السعوديين يقدرون المرأه السعوديه ومعترفين بكل ماعطاها ربي من جمال ودين واخلاق .. بس كلامي هذا موجه للأمّعه من رجالنا .. وطبعا هم قلّه قليله جدا .. وبصراحة للحين ماشفت منهم احد الا فقط بالمنتيات .. وكل اللي حوالينا رجال محترمين وواعين ولا يوطون روسهم لسفاسف الامور وعندهم نخوة وغيرة وحميّه على بنت بلدهم
)

نرجع >>
والدليل على ان هالمقارنه غير صحيحة وين شفتو السعوديات علشان تحكمون عليهم ؟؟؟؟؟؟ هم الوحيدات بالعالم اللي يتغطون غطاء كامل >> هالسؤال موجه للرجال طبعا

يعني …….

سعودية والا سوريه والا لبنانيه والا بنقاليّّه حتى الشغالات الاندونيسيات (اللي لايحملون ذرة حسن) فضلتوهم عالسعوديات

ميين سبب هالحقد كلّّه …. اعوذ بالله

ترى ذولي كلهم حريم …… وكل حرمه بالدنيا ربي ميزها عن غيرها بشي

وكل جنسيه على حسب منطقتهم ربي ميزهم بشي

واذا عالجمال … ووالله ان كل ديرة فيها الحلو وفيها القبيح مثلا عندكم الهنود ياااافي هنديات استغفر الله (يعني خلقة الله مانقول شي) وياما هندياااات ملكاااااااااااااااااااااااات جمال

صح والا لا ….؟

وبعدين تراكم ازعجتونا بسواد الركب .. حتى ركبنا ماسلمت منكم
الهنديات مافي اسود من ركبهم والعالم كلها تعتبر الهنديات من اجمل النساء

وقد دخلت مواقع عربيه ولقيت فيها مواضيع من نفس الجنسيه يشتكون من سواد الركب وقاعدين يتبادلون الخلطات حقتهم رغم ان المعروف عنهم انهم بيض مرة

يعني الحمدلله .. صارت الركبه محط اهتمام السعوديين… يعني انت الحين بتتزوج ادميه والا بتتزوج ركبتها ..؟!!! هعهعهعهعهعهع

ولو قالوا له فلانه دكتورة تبي نخطبها …؟ قال تخسا الا هي … ماباقي الا اتزوج دكتورة …!!!! وش هالانحطاط الفكري هذا

من جد شبابنا مفهيييين >>> اقول بس ترى عيب عليكم

يعني القصة وما فيها انو الله اعلم فيه اجانب قاعدين يشوهون سمعة السعوديات في المنتديات علشان السعوديين يسافرون لهم برا ويرمون عليهم من هالفلوس رمي

والا والله العظيم جمال السعوديه لا يقاااارن بأي جمال عربي والله هذا مو كلامي

هذي دراسة ابريطانيه قالت ان السعوديات ثالث اجمل نساء العالم

وبرضو وحدة اوروبيه عاشت حياتها باليمن وبالسعوديه تقول ان السعوديات من اجمل نساء العالم والوانهم من اجمل الالوان

وبعدين زي ماقلت ربي ميز كل نساء منطقه بشي

يعني مثلا السعوديات خاصة ميزهم الله سبحانه بجمال ووسع العيون وطول ونعومة وكثافة وسواد الشعر والعيون

ولكن بعض البلدان العربيه صحيح ان عندهم بياض وبياض نااااصع لكن تعالي قربي وشوفي بشرتهم كيف … البيض مرررة >> بشرتهم فيها عيوب واحنا الحمدلله ربي سلمنا من هالعيوب … عادي ترى ماقاعده اسب لكن الحق يقال
وتعالي شوفي شعورهم مجعدة وباااهته … صح والا لا .. مو الكل طبعا لكن هذي المواصفات الغالبه عليهم >>> رجاء انا ماقاعده اسب انا فقط اوضح ان الكل به عيوب

وانتم مركزين على عيوب السعوديات بس

مع ان السعوديات ماشاءالله فضلهم الله سبحانه بنقاوة اللون وصفاء البشرة يتميزون عن غيرهم

ويكفي ان اجسامنا ماشاءالله مافيها رييييحة ..

والله اني سمعت اكثر من مرة سعوديين راحوا لدوله عربيه ويقولون قابلوا مطربه من جنسيه عربيه يقولون ياااافيها ريييييحت تصككككك الرااااس ريحة تنتف ريحة جيفه ومو بس هي اغلب شعبها فيهم هالريحة سبحان الله
(الحمدلله الذي عافانا مما ابتلاهم وفضلنا على كثير من خلقه تفضيلاً)

واللي قاااهرني ان السعوديات اصبحن عديمات الثقة بنفوسهم
والاجنبيات نفخنااااهم بحكي كله فااااضي مافيه من الصحة شي >>> يعني كلام ترى كله مهايط

ترى حتى الاجانب عندهم مشاكل زوجيه وهذا دليل على ان فيه تقصير من الزوجة او الزوج
يعني ماااهم بهالرومانسيه اللي انتم متوقعينها وعندهم خيانات وعندهم تشتت في علاقاتهم الزوجيه
بس الفرق بين الاجنبيات والسعوديان
ان السعوديات هم اللي يتحملون رجالهم وهم اللي يصبرون لأنها بالاخير بنت رجال وخوية زوجها …
اما الاجنبيات مو الكل بس الطلاق الحل الوحيد عندهم >>

فيه وحدة عربيه تقول والله العظيم مااااشفت حريم يهتمون ويتحملون أزواجهم كثر السعوديات
تقول السعوديه اول ماينزل الراتب تشتري عطورات وقمصان نوم علشان زوجها
تقول احنا مانهتم مثلكم

وحرمة من جنسيه عربيه شافتها وحدة تقول زوجها يترجاها ترجّي بمحل قمصان نوم علشان يشتري لها وهي الحرمة رافضة يعني الواضح ماهمها ترضي او تسعد زوجها

المهم الخلاااااصه ياجماعة الخير
انا ماقصدي اميز او ادافع او اتهجم على احد
كل مافي الموضوع …

.اني الاحظ بعض السعوديات لا شافت اجنبيه كأنها شايفه وحدة من حور العين >>> وهاااااتيلك تحقيق … انتم وش تسوون انتم كيف تحطون انتم وش سويتم برجالنا طيب علمونا نبي نصير مثلكم

يعني ايش عملوا في رجالنا غير ان مهورهم رخيصه .. يعني تكاليف مهرها مع زواجها مايعادل ربع تكاليف بنت بلده

وعلى فكرة السعودي لما يتزوج اجنبيه … تراه في بعض الحالات وليست الكل مايتزوجها الا لما المجتمع السعودي يرفض ان يزوجه من بناته
والاسباب كثير .. مو موظف والا مو دارس المهم ان تكون سمعته مو كوسيه وبعدها يلجأ لبعض البلدان العربيه …
واذا تزوج من عندهم و رجع مطأطأ الرأس ينتظر اول فرصه تجمعه بشلّّته علشان يرقع زواجه من الاجنبيه وهاتيلك مديح والاجنبيه احسن والاجنبيه افضل وبلا سعوديه بلا هم و و و …

وهو قاااعد ينتظر من سعوديه اشارة بس .. علشان يطير لها طيرااان

والاجانب بعد مايزوجون من برا بلدهم الا لأسباب جبروا عليها او

(وهالكلام ماينطبق على كل من تزوج من برا .. لا طبعا .. ولكن فيه بعض الناس تفسرها انه ماتزوج من برا الا من النقص اللي شافه من بنات بلده .. حبيت اوضح فقط)
او ,,,,,

عموما ياليت ياحبيباتي تثقلون شوي وقوّوا ثقتكم بنفوسكم شوي

وياليت الردود مايكون فيها تجريح لأحد لأن مو هذا القصد ابدا
(اللهم اني ابريت ذمتي)

لا اسامح ولا احلل من تنسخ موضوعي لمنتدى اخر او الايميل
خلوه مكانه ..