عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساكم ورد وجوري وكادي يااحلى فراشات في احلى منتدى 😆
حياكم الله في صفحتي وان شاء الله تكونوا بخير وجمعه مباركه علينا وعليكم
ادري بتقولوا اخلصي وادخلي بالموضوع بس انا احب السنع والذرابه مو ذنبي خخخخخخ
في بعض الاحيان يضرب معانا الحظ ضربه مالها داعي أي لما بغيناه ماحصلناه ولما حصلناه مابغيناه اممم ادري بتقولون شدخل هذا بالموضوع اقولكم ماادري بس جات كذا معي خخخخخ
المهم ولا لكم بالطويله هالموزوع يخص الحلوات المتهورات ..المتسرعات ..المطفوقات..قليلا التفكير.. والدفشات خخخخ وكل من لا تتوفر فيها أي خصله من الصفات فرصه ان تتحلى فيها 👿 خخخخخخ
المهم وادري بتصفكوني بالفارة اللي معاكم وش الهرجه بقولكم هي
انا وحده متسرعه ومتهورة وفيني دفاشه اعوذ بالله منها ماتطلع الا عند الناس الغلط ففي مرة من المرات وفي احد البيوت المعروفه اللي هو بيتنا جاءت لزيارتنا جارة من الجارات على نياتها وماهي داريه بالمستخبي لها عندنا خخخخ قمت انا بعمل الضيافه لها وتقهوت وشربت الشاي واكلت المكسرات والكيك وتخلل ذلك احاديث متفرقه عن اهم المستجدات ع ساحتنا في الحارة وعلى الساحات الاخرى من الحارات المجاورة لنا واذا فجأة نط عرق الدفاشه وظهر في جواب لجارتنا المنكوبه اللي سالت السؤال على حسن نيه فاليكم ماحدث في الحوار التالي
جارتنا:انتي متى تخلصين يابنيتي
انا :بس باقي هالترم واخلص ان شاء الله
جارتنا:عاد ماشفتي بنت ام فلان يقولون تدرس عندكم
انا:لا مااشوفها ونط العرق الحين :اصلا انا ماودي اشوفها بس بنت خالي الغبيه قالت لها عني وشفتها مرة ويالله بالعافيه انحشت منها ناس ماادري ايش اقولك ماعمرهم سالوا عني وويين الله حاطني فيه بس لما بنتهم دخلت بقدره قادر كل ماشافوني الا ذيك الضحكه الصفراء والا الاهتمام البالغ عم حده يعني على جون يافرعون على بالهم مااعرف و….الا ياجارتنا وش به وجهك اتغير لايكون الشاي مافيه سكر >>على نياتي
والا فجأة منبه في عقلي يشغل علامه حمراء 😛 فيه خطر فيه خطر واتذكر ان اللي قبالتي هي اخت اللي اهرجها عنها وانا اللي يجي دوري وتتغير ملامح وجهي ياربي وش هالبلشه لو جاوبت على قد السؤال مو احسن وانا اتحمحم وواستأذن منها واروح المطبخ زي المجنونه ماادري ايش ادور واروح افتح الثلاجه واطل فيها ماادري ايش ابغى فيها , يمكن ابرد الحرة اللي في 😎 وانا ارجع لها والا المرة لابسه عبايتها ماحلفت عليها وصلتها للباب حتى مااكدت عليها تجينا مرة ثانيه>>:Pياشين الثقه خخخ وانا ارجع الملم بقايا الاشياء في مسرح الجريمه واشرد ع الغرفه واسوي نفسي نايمه وكأن اللي صار مااستوى……. وسلامتكم
وفي النهايه زي ماقلت كل من تتوفر فيها الصفات المذكورة في الاعلى تسارع في تقديم موقفها ولها منا كل الشكر والتقدير والعرفان ع المواقف الحلوة التي اتحفتنا بها 👿
ملاحظه:يعني ابغى كلام قوي قلتيه يغير مسار الحديث مو غلط في نطق الحروف اتمنى تكونوا فهمتوني واتمنى اشوف مواقفكم الحلوة في صفحتي ياحلوات ➡
