عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم جميعا
بنات بدخل بالموضوع على طوووول وبقولكم سالفه صارتلي
امس زوجي عازم رجال المهم اناماسويت شي بس شاهي وقهوه يعني انا ماجهدت ابد ابد
المهم رتبت المجلس قبل يجون الرجال وكنست ونظفت وجو الرجال الزوجي وسويت شاهي وقهوه وبعدين رتحت وجيت جلست على الابتوب وحسيت برطوبه تنزل مني طنشت الموضوع على بالي افرازات عاديه بعدها احتجت الحمام ورحت والا القا الفاجعه دم كيف ينزل وانا حامل بالاسبوع 6 طبعا الدم كان بني لونه ومو كثير ابدا بقعه بس انا خفت كثير ورحت الزوجي قلتله عاد هو من الخوف وداني المستشفى وكشفت علي دكتورة النساء و قالت هذا انذار للاجهاض لازم نسويلك سونار عشان نتطمن على وضع الجنين وسوت سونار بس مايوضح الجنين لانه توه صغيرون مايوضح الا بعد سبوعين تقريبا وقالولي الراحه التامه
بس انا اللي مستغربته ليش نزل مني دم وانا ماجهدت نفسي ابداااا ..
سؤالي لكم يافراشات من صارلها مثلي وتم حملها على خير ..
والله يابنات حسيت ان حملي كنه حلم مرره ضاق خلقي بس الحمدالله على كل حال واللي كاتبه ربي بيصير..
