ياعين ابوي العين لبيك لبيك

😆 🙂 مساء الخير على الجميع هذي اول مشاركه لي في هذا القسم وهي
بعض الخواطر مني حبيت اهديها لكم واتمني تحوز اعجابكم
وعلى فكره حقوق الطبع محفوظه لمنتدي الفراشات وارجو عدم
نسخ القصيده لموقع ثاني

ياعين ابوي ان جيت يامرحبا فيك *** وان رحت والا اقفيت جمرك كواني
ياعين ابوي القلب متعلقن فيك *** مايحتمل صد المحبين ثاني
ياعين ابوي الهرج من مبسمن فيك *** يفرح كسير العظم لو هو يعاني
ياعين ابوي العين من مكحل فيك *** لاسلهم النظرات فيه حداني
ياعين ابوي العين ممشي مواطيك *** ممشي غزالن يدرج باللياني
ياعين ابوي ان جيت بالزول احليك *** ملقي شبيهك مع جميع الغواني
ياعين ابوي العين كل الحلا فيك *** كنك حلا متجمعن في صواني
ياعين ابوي العين مهما كتب فيك *** انته عسل طيب لفى مع يماني
ياعين ابوي العين لبيك لبيك *** جمر الغلا بالشوق يمك خذاني
ياعين ابوي العين يامرحبا فيك *** قلته وانا مشتاق واعرف مكاني
ياعين ابوي العين لو جيت اسميك *** اسمك على اسمك هو شيخة زماني