ياعرايس هديتي لكم تجربتي مع الليزر

وحبيت اخدمكم وافيدكم بحكم اني كنت عروسة سابقا وكنت استعد وصرت احلى عروس وتحدد الزواج.. العريس الموقر طلقني قبل الزواج بشوي
الله يعوضني خيرا ويؤثرني عليه من ظالم

لآ تلوم اللي .. ” ذبل من غرآمه “
لآ جآء كسير و منكوي ، خآطره كي .!
كل من يشوفه يسأله وش علآمه ؟
يشرب ” دموعه ” ثم يتمتم : ولآ شي .!
كآذب وربي .. مآصدق في كلآمه
جرحه عطيب ، و طآويٍ لوعته طي .!

عندي خبرة بالتجهيز والاهتمام والليز والشعر ..

بعطيكم نصائح وخبرة من كذا مركز وجلسات مختلفة من اختكم واتمنى لكم التوفيق والسعادة ويبعد عنكم كل ظلم وصدمة ويفرحكم مع ازواجكم وابي منكم دعوات مو هنا<< بظهر الغيب:)…۔

-أهم شي لما تنوي تسوي ليزر ضروروي ماتكون شايلة بالحلاوة
– درجة الليزر تعتمد علىلون البشرة
-انتبهي تقصدي المراكز الكبيرة والاسعار المبالغة لان كل الطرق تؤدي للنتيجة ونفس الاجهزة بس تلاعب بالاسعار
بالعكس خذي لك مستوصف او مركز صغير عادي وانتشرت كثير بكل مكان افضل واقل زحمة واقل كلفة
– بالبداية الجلسات كل شهر وبعدين كل كم شهر.۔
-تختلف مناطق الجسم باستجاتبها مثلا معروف الساق والابط والبكيني اكثر استجابة من اليد ويخف الشعر بدرجة كبيرة من ثاني جلسة..
– لاتقولي طبيبة كويسة او شي لان اصلا بكل المراكز الممرضة تسويه…
-الجهاز المعروف (جنتل) تاكدي منه وجايز فيه اجهزة احدث
– جهاز الضوء ابتعدي عنه للشعر السميك مو نافع انتبهي احد يقولك ينفع للساق او..
-الليزر حلو حتى لو ماكملتي جلسات بيكون مريح لك الشعر بيخف جداا بس الاهم الحلاو ماتقريبه لانه يرجع الشعر مثل اول
– اغلب المراكز عندهم خدمة ذاتية<< للبكيني خاصة ويعلمونك كيف وبمراية تقدري تشوفي
– الابط والبكيني جدا مريح خاصة الموس والحلاو يطلع حبوب وحكة
البكيني بعد كم جلسة الجزء اللي فوق بيخف كثير ويختفي لدرجة يصبح املس فباقي الجلسات بتكون تحت
– لما تعملي الليزر بنفسك بالاول صعب بس شوي شوي ووتحكمي وتحسي بانجاز وراحة حتى وانا الحين انا مو متزوجة<< الله يزوجني
بس بجد نظافة ولاتحسي لارطوبة! ولاحكة اوحبوب
يبغى صبر وتحمل عشان النتايج خاصة البكيني
– الالم لاتخافي مافيه وفيه كريم يحطونه قبل لو حبيتي..
– بالجلسات الاخيرة بتصيري تعمليه كل ثلاث اشهر
– لو صار فيك حرق لاتخافي ( الميبو) مباشرة واستمري عليه كم يوم
االافضل تكملي جلساتك عشان النتايج ، راح تحسي بفرق كبير من ثلاث جلسات وتتحمسي << وتدعين لي باذن الله بالعوض
انا بعد ماانفصلت رغم نفسيتي تعبانة كملت لان لازم اكمل ماينفع اتركه لاني بدات ومنها اشغل وقتي واهتم بنفسي واخفف عن نفسي
وكثير بيسالون اي مركز اي عيادة الجواب انتشرت العيادات ومافيه فرق بينهم ممن خلال تجاربي وممكن تجربي جلسة بس انتهبي للاسعار لان بعض المراكز مبالغة يقولون الجلسة 2500 او 2000
جداا غالية للاسف
وفيه حركة البعض تدفعي مقدم لكم جلسة فبيكون اوفر
اللي عروس وتوهقت بامكانها تسوي جلسة قبل اسبوعين ثلاثة
والرتوش قبل الزواج بيوم يومين منها الجلسة تجلس لك شهر افضل من الطرق الاخرى وتدعي لي
شفت عرايس يسالون حبيت افيدكم واتمنى تدعون لي بظهر الغيب وان اللهي يبلغني فرحتي
اي سؤال اي شي صفحة الزوار بخدمتكم ..<< شوفوني طلعت احسن عروس بس الله يجيب العريس ابو بشت

ربي يوفقكم ويتمم لكم ولاتشوفون اي صدمة ويعوض كل بنت بالزوج الصالح التقي النقي
ويعطيكم سعادة ورضا ..والحمد الله حمدا كثير واولا واخرا..والحمد الله حمد الشاكرين حمد الصابرين

ربي أطعمني فرحاة تعوضني ..

ملاحظة
اي بنت تبي استفسار شي..عن تجهيز عن بشرة.. ليزر..صفحة الزوار تحت امرها بس انا ارد على صفحات الزوار واعتذر عن الخاص..