عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلااام عليكم ورحمة الله وبركاته
كيفكم يافراشات
بدخل بالموضوع على طوووول
زوجي من فتره قريبه سافر عشان شغله وقلت له لما ترجع جيب لي هديه وفعلا جاب الهديه>> هنا انا طلبت
بعد كذا اظطر انه يرجع عشان يكمل شغله بين السفرتين يوم وجلس هناك ثلاث ايام ووعدني يجيب هديه لان كان عندي اختبار وحليت كويس>> هو اللي قال
دق علي وقالي موعد الاقلاع رحت لبيتي انا وشغالتي وقلت لها تسوي العشا على ماتروش والبس واذاكر شوي لحد مايوصل لان كان عندي اختبار
لما وصل كنت مجهزه له المجلس والقهوة ومبسوطين..طلب العشا..واحنا نتعشا صاح الولد قالي قولي للشغاله تسوي له حليب .. لما جت تاخذ الولد طلع من جيبه مية ريال وعطاها بوجه مبتسم وقال لها ان شاء الله كل شهر زياده مع الراتب ميه .. هنا انا ولعت مت من القهر وخاصه انه مجهزها بجيب البجامه
الحين انت تواعدني بهديه وماتجيب وهي تعطيها ولا وتقولها لك زياده بالراتب بالله عليكم مو شي يقهر
خاصه انه يعرف اني مااحب انه يتكلم معاها او يدخل اي مكان وهي موجوده….. ويسوي كذا
جالس يساويني فيها كأنه يقول انت جبت لك هديه السفره الاولى والمره هذي للشغاله.
لما ناقشته بالموضوع بالاحرى تهاوشنا قال عشان ولدنا قلت له بالله عليك ايش تسوي لولدك ؟؟
انا ولدته طلعت من موت ماجبت لي شي
انا من جد مقهوره كرهته وكرهت الشغاله ونفسي ..حسيت نفسي ولا شي بالنسبه له
يعرف اني اغار عليه مابغاه ياخذويعطي معاه وعاندني
مو اول مره نتهاوش عشانها ومافيه فايده
والحين انا لي يومي عند اهلي ولادق يسأل عني وعن الولد ولما كانت الشغاله باجازتها كان يقول دقي عليها شوفي بترجع والالا؟ لايكون ماتبغى تشتغل ؟ شوفي عشان ندور غيرها .
والحين انا عند اهلي ولا هميته
تكفون قولولي انا غلطانه والا لا؟؟؟
ايش اسوي؟؟ ايش التصرف السليم اللي اتبعه؟؟؟
اسفه طولت عليكم من جد ااااااااااااااااااااااسفه
بس والله مقهوووووووووووووووووووووووووره وابغى المشووورة
