عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ياناس مليــت مليــت 😥
زوجي احبووووووو …حنون / طيب / كريم / متحملني في اشياء
بس عيبه
لدرجة الغثياان/ لدرجة الصدااع/ لدرجة انو جابلي الحساسية من كثر البكا
وانا
مو مهملة وماني فلفلة انا اعتبر من الطبقة المتوسطة في المسؤولية
يعني كلمة بكرة يعرفها اكثر مما يعرف نفسو>>>>قووووووووية ➡
مثــــال:/
يروح الديرة بالثلاثة ايام مايتصل انتو عايشين ولا ميتين…ناقصكم شي ياااااااااربي
طيب انت حاطني عند اهلي اوكي ماهم مقصرين بس ايش حيقولو عنك..
يناااااااام يوم كامل يصحى يصلي ياكل يناااااااام وانا عند بيت اهلي مايتصل فيكم شي ناقصكم شي
للعلم احنا ساكنين في منطقة واهلي واهلو في منطقة
طبعاً في اشياء واشياء بس لو كتبت عنها حيطول الموضووع ويصير قصة قبل النووم
بس هدا الموضوووع طااازة
من كثر الاهمال اليوم قلتلو بزور اهلك ع المغرب قال طيب .لانو امو ماشافتنا من يوم جينا حطنا عند اهلي ومسك طريق الديرة يعني مفشلني حتى مع اهلو…
واتصل ع العصرية وانا ناااااااااااااااايمة تعباااااااانة مع بنتي الله يحفظها والدورة جاتني متعبتني
مارديت رجعت اتحممت ولبست واتصل اتصل مايرد قلت اكيد يصلي العشا
وبعد 6 اتصالات رد والاخ بسابع نووووووووووووووومة وهدا نايم قبلها يوم كااامل
عصبت وقلتلو روح ناااااام قام عصب وخربط في الكلام وقااااااااااالي اقلبي وجهك وقفل >>>انا هنا اشتغلت معايا ام العبيد واتحلفت فيه عشان كم مرة تتكرر دي الحركات وقلة الادب واحنا صح طايحة بيننا الميانة بس بالادب …
وارسلو خلاااااااااااص انا حأقلب وجهي وانت ماابغى اشوف وجهك وكلامك مو معايا>>>يعني مع امي
طيب يامتزوجات واصحاب الخبرات///
ياتلاقولي علاج للاهمال ياحأجلس عند اهلي لين يتعدل ابونا….
ورجاءً اعرف فراشات لطيفات يحبو يعرضو عضلاتهم الله يهديهم وانا وحدة مسالمة مافيني حيل للرد اللي مش ولابد
