عالم البنات النسائي كل ما يخص المرأة العربية من ازياء وجمال والحياة الزوجية والمطبخ
من كثرة ترددي على منتديات نسائية شوفت من فضفضة ومشاكل
بس اللي استوقفني
دا الكلام
كنت طفشانة ومتمللة ودخلت شات وطحت على يد شاب
او كنت في المنتدى ولقيت شاب مهتم فيني وعاجبو اسلوبي
بعدها
اتكلمنا وحسيت اني ارتحتلو واعطيتو الماسن حقي
بعدهاا
قلي معليش انا مارح ادخل النت كتير مشغول ( في ايه الله اعلم المهم مشغول ) اعطيني رقم جوالك
نتطمن بس مسجات
بعدها
احتارت تعطيه ولالا
خافت تفقدو وتحن ليه اعطتو رقمها
بعدها
نفس اليوم ارسلها مسج وجلسوا يتراسلو
بعدها بيوم
قلها نفسي اسمع صوتك بس اسمعك تقولي الو واقفل
ودق وكلمو بعض ساعة
وبعدها
ترجاها يكلمها كل يوم
بالفعل صار يكلمها كل يوم
لين مااتعودت على صوتوا وحبتوا وزادو هيام وعشق وغرام
وبعدها
بدأ يمل يبعد شوية ويطنش وكل ما تقولو فينك ( يتحجج بالظروف )
وبعدها
صارت هيا تدق عليه كل يوم
وهنا هوا عرف انو خلاص البنت تعلقت فيه يعني صارت مجنونة بحبووو
وبعدها
قلها ابغى اشوفك من بعيد
رفضت ( قالت مستحيل انا اسوي كيدا واخون ثقة اهلي ومن دا الكلام )
وبعدها
تدق عليه ينطشها لانو ما خلتو يشوفها
وبعدها
خططت وحددت يوم وشافوا بعض بس من بعيد كانت مع اهلها
وبعدها
عجبهم الحال وعلى هادا الموال
وبعدها
قلها ابغى اشوفك لوحدك تطلعي معايا السيارة نتمشى
رفضت بس ماتبغاه يطنشها
وبعدها
حددت موعد وكانت مرة خايفة وشافتو وجلسو جنب بعض واتمشو ومسك يدها
وبعدها
عجبهم الوضع لين صار ياخد منها حاجات ( بوسات واحضان ) << سامحوني على دا الكلام بس حبيت اوضح
وبعدها خلاص
تعب منها فيه كذا نهاية لقصة بس الفراق واحد
يإنو يبتزها وقام يهددها بالصور لو انو ماطلعت معاه لشقة
او انو مل منها وماعاد يرد على مكالماتها وانواع التذليل
او انو يستغلها ( تدفعلو فلوس مقابل بقاءو معاها )
او انو تركها بلا عودة غير رقمو وكل شي
او انو قلها اللي بيني وبينك انتهى والله معاكي
(( يعني بالله هي ايش استفادت من دا كلو خربت سمعتها او ممكن احد من اهلها شافوها معاه واهلها فقدوا ثقتهم فيها
او أحد طلع عليها كلام وبس منهارة وتبكي ودموعها على خدها ))
وهوا ولاهمو يامتعرفلو على بنت تانية او راح اتزوج وعاااادي حياتو ماشية
بنات ليش نحط انفسنا في دا الوضع قد كيدا احنا رخاص بالنسبة لأنفسنا
لا والله احنا جواهر بإذن الله
الله يستر على كل البنات ويحفظهم ويرزقهم الأزواج الطيبين الطاهرين ياررررررب
قولوا امين
ترى مافي شي أحلى من الحلااااااااال وربي
الله يحفظكم كلكم
