يارب كل وحدة تدخل حتى لو ماردت الله يبعد عنها هالمرض(الوسواس القهري) ا

السلام عليكم ورحمة الله وبركاته
اخواتي عضوات منتدى الفراشة انا اليوم أبغاكم تساعدوني في مشكلة أختي
والله العظيم يابنات انوا هل المشكلة محزنتي عليها مرة
أختي يابنات عمرها عشرين سنة عندها مشكلة متعبتها جدا جدا وهي الوســـــــــــــــــــــــــــــــــــــــواس القهـــــــــــــــــــــــــــــــــــــري سببه مرض القولون وكلكم اكيد تعرفون انوا القولون يسبب أضطرابات في المعده وغازات كل هذا سبب لها حوسة في الصلاة والله يابنات ماكان فيها شي قبل سنتين من بعد ماتخرجت من الثانوي وجابت نسبة جاها هذا المرض وطبعا بسبب المعدة الي تعبانة اغلبيبة الوقت وخروج الغازات من البطن بكثرة هذا سببها مشكلة بالوضوء وصارت تتعب مرة لما تجي تتوضاء تخيلوا يابنات تعيد الوضوء طبعا هذا في بداية مرضها اكثر من مرتين ولما تجي تصلي تاخذ ساعة في كل صلاة واذا مرة أنجزت نص ساعة والله يابنات قلبي يتقطع وهذي المشكلة سببتلها وسواس حتى صارت حتى لو ماخرج منها شي وشكت بس تعيد يابنات تغير ملابسها في كل صلاة من الوسوسة مرة تقول خرج مني شي ومرة افرازات انا بصراحة ما اعرف ايش حكم خروج الافرازات يعني تنقض الوضوء ولا لا بس اقولها اذا غازات توضي مرة بس حتى لما توضي تقعد سنة لاتفه الاسباب تعيد الوضوء مثلا اذا نسيت انها سمت في بداية الوضوء تعيد واذا جات رجلها في مكان تشك انوا مو نظيف تعيد برضوا ما سارت تخرج من البيت لانها مستحيل تقدر تصلي عند الناس تقول كيف اتوضاء عندهم تشك في عبايتها تشك في نظافتها فسارت ما تخرج تقول اطفش في البيت ولا اتعذب في صلاتي ابوي قبل يوم قال يلا نسافر قالت لا كل هذا بسبب انها تحووووس في الوضوء والصلاة صارت تكره نفسها وحاسة انها مختلفة عن البقية هي عارفة انوا غلط والاسلام مو كذا بس خلاص صارت دايما ماتهتم بنفسها بس تفكيرها الوضوء والصلاة هذا في الاجازة اما في الجامعة تحاول تنسى مشكلتها مع البنات والمذاكرة اصلا تقول الحمد لله اني اذاكر وانجح وانا كذا الحمد لله اني قادرة اضغط على نفسي وما اخلي المرض العضوي والنفسي يهزمني هي لا دخلت الحمام تقعد سنة والله هذا ياحرام بسبب بطنها واذا خرجت ودخل وقت الصلاة تتوضاء وتعيد بسببب الغازات انا قلتلها انوا هذا مرض والشيوخ يقولون ماداموا مرض خلاص توضي مرة بس واذا خرج منك شي عادي كملي الصلاة هي تقول ايوه صح بس قرأت في النت اذا الواحد قدر يظمن طهارته خلال وقت الصلاة يستنى الوقت هذا ولا يستعجل المهم ما يأخراها هي يابنات ممكن تقعد فترة تظمن وضوئها بس مو دايم على حسب حالة بطنها فسارت هي من هذا المنطلق تحاول قد ما تقدر تستنى او تعيد اكثر من مرة وتصلي حتى على حساب صحتها والله يابنات انها تعبانة مرة وتقول نفسي اصلي زيكم وغير هذا كلوا اذا صلت تحس انوا صلاتها مو تمام وكل الناس صلوا احسن منها مهما سوت تحس عبادتها ناااقصة وصارت طول ماهي جالسة تفكر بصلاتها حتى صار لما ياذن كأنوا الحرب قامت عشان وراها شغلة طويلة والي كا ن يتعبها ايام الدوام انوا ماتصلي في الجامعة مستحيل وانتوا تعرفوا الجامعة الدواماات فيها تقعد لوقت متأخر واحيانا تجي العصر وتصلي الضهر مع العصر وتحس انها مقهورة عشان خرج وقت الظهر ولما تشوف البنات في الجامعة يصلوا نفسها تصلي معاهم بس حتى لو ما خرج منها شي مستحيل تصلي تقول الحمام وسخ الله يكرمكم ومادري ايش مع العلم هي ملتزمة وحتى لوصلت تعيدها في البيت بس ايام الاجازات تحاول تنظم نفسها وتصلي الفروض في وقتها بس المشكلة الوسوسة تزيد عندها عشاان الفضاوة
حتى يابنات بسبب هذا الشي مرة ناس خطبوهاوكانوا مرة طيبيبن بس هي على طوووووووووول رفضت وقالت كيف اتزوج وانا معايا القولون وموسوسة والله لو عرفوا ما أظن يوافقون خليها تجي مني احسن ماتجي منهم اذا عرفوا
وترى يابنات بالنسبة للعلاج ترى عالجنها وراحت مستشفيات بس العلاج ما نفع مرة معاها شوي بس انا والله يابنات ماكتبت هل كلام من باب الشكوى لانوا الشكوى لغير الله مذله انا ابغاكم تساعدوها بنصايح وتدعووولها هي صراحة استفاد ت مرررة من كلامكم لوحدة هنا في المنتدى كانت عندها مشكلة القرررف بزيادة