عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبااااااااااااااااااا
كيفكم يافراشات ان شالله اموركم تمام
انا دايما ادخل المنتدى وماشالله احس البنات فيه مثل الخوات
وقبل اسبوع كنت متضايقه وفيني ضيقه مو طبيعيه وكتبت موضوع عشان البنات يدعولي
ان الضيقه تروح عني والبنات جزاهم الله الجنه دعولي والحمدالله حسيت الضيقه راحت صح مشاكلي ماانحلت
بس حسيت اني ارتحت وان شالله قريب راح تهون وتنحل
المهم
بقولكم موقف صار معاي امس يمكن هو مو شي كبير بس حز بخاطري كثير وحبيت اخذ ارائكم
قبل فتره صار بين اختي وبنت خالتي مشكله
وبنت خالتي هذي من فتره متغيره علي ومقاطعتني حتى اكلمها عالمسن
احسها تكلمني من غير نفس
قلت خلاص اخليها مراح افرض نفسي عليها مع اني انا وياها متربين مع بعض من يومنا صغار
بس هي الحين تزوجت وراحت مدينه ثانيه وقلت اتصالاتنا مع بعض
المهم امس كنا معزومين عند بيت خالتي قلت خليني اروح وربي كانت نيتي اني اروح واجلس معاها ونسولف
ومومدح بنفسي انا انسانه مااحمل اي حقد اوحسد تجاه اي احد حتى لو صارت بيني وبين اي احد مشكله
اذا شفته بأي مكان انسى كل شي حتى لو كنت زعلانه
رحت اول مادخلنا سلمت عليهم وعلى بنت خالتي
وعلى طول جيت جلست جنبها راحت هي قامت على طول راحت محل ثاني
انا سويت نفسي ماهمني وانا من داخلي مقهوره مررره
حتى امي لاحظت هالشي
وطول الجلسه تسولف وتضحك مع الكل الا انا
المشكله اني ماسويتلها شي وحتى لو سويت شي المفروض ماتسوي هالحركه
يعني هي لو غلطانه علي وبعدين جات جلست جنبي بالعكس راح اسولف واضحك معاها وراح انسى كل شي
مدري ليش يصير معاي كذا مثل هالمواقف البايخه مع اني وربي طيبه وماقد اذيت احد بحياتي
حتى لو احد غلط علي وبعدين كلمني اسامحه وانسى كل شي
على فكره بنت خالتي هذي دايم متى مابغت تزعل ومتى مابغت ترضى
واذا رضت على طول ارجع اكلمها وترجع العلاقه بينا
بس الحين قلت خلاص مستحيل ارجع اكلمها يعني انا موعلى كيفها
وخذيت وعد على نفسي اني اشيل هالطيبه من قلبي
واي احد يغلط علي اخذ حقي منه لان هالزمن ماينفع فيه الا القوي
اما الطيب راح يحسبونه جبان
هاا يابنات ايش رايكم؟؟
