عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساء الخير جميعا ,,,
كيفكم ياامهات ويابنات وشلون أموركم؟
الموضوع مو مأزمني عشان أحطه بقسم افتح قلبك.. فقلت استفيد منكم
استفسار بسيط
أنا في سن الزواج .. والناس الي يخطبوني بنظري قلال
المهم انه انا في شي يصير لي احسه غريب شوي لانه تكرر كثير
انا واعوذ بالله من كلمة انا بس هذه القصة
انه اذا رحت زواج ,, عزيمة ,, تخرج ,, لازم احد ياخذ رقمي ويكون لهم رغبة يعني مو بس كم الرقم ويله
لا تكون من اول الزواج تناظر وتعرف اهلي .. بتقولون وين المشكلة ؟؟ انا اقولكم انه الي اخذوا رقمي مايدقون
الموضوع تكرر معي يمكن 8 مرات وانا عجزت القى تفسير منطقي ,,
اخر مرة قبل كم يوم كنت في زواج واخذت الرقم من قريبتي وسالتها متخرجة كم عمرها ومن هالامور وتفاصيل ولا دقت!!
سوالي انه ليش يصير لي كذا ,,ناس ياخذون الرقم ولايدقون
انا مو مستعجلة لان لسا عمري ,بس ما احب احد يسال عني وياخذ الرقم وانا مدري من هم
سوري طولت عليكم بالكلام
بس ابي رايكم وش تفسرون ان كثير يسالون عني وياخذون الرقم بس مايدقون ,, لاحظوا انه انا ما اقول مايصير شي, يعني انا عارفه الزواج قسمة ونصيب,, بس طيب اذا منتب داقه ليش تاحذين الرقم ؟؟
غريب!!
تحياتي
