يابنات هذي قصه صديقتي مع بنتها ياليت ماتبخلون عليها بفزعتكم..

هذا موضوع يخص صديقتي وطلبت مني انزله بالمنتدى

مدري هالقسم هو المناسب او لا. اذا الموضوع مايناسب القسم ياليت المشرفات ينقلونه للقسم المخصص له

يابنات صديقتي يوم كانت حامل كان حجم بطنها مره صغير وولدت وبنتها وزنها صغير

كانت ولادتها متأخره واخذت طلق صناعي في المستشفى العسكري.
قبل الولاده كانت تراجع بمستشفى خاص يقولولها عندك نقص في موية الجنين والعسكري يقولون مافيك الا العافيه
يوم ولدت.. المولوده مابكت وتبرزت وانتوا بكرامه ببطن الأم وبعد كذا طلع عند المولوده نقص اوكسجين وقت الولاده

وضعها الحين مرره مو كويس نموها جدا ضعيف كملت الحين سنه وحجمها حجم طفل عمره 6 شهور ماتمشي ولاتفهم كثير مثل اللي في سنها وعظمها مره مرتخي ودايم تناظر السقف وماتعرف الا الاشياء اللي دايم معاها رضاعتها وزي كذا وللحين ماتنقلب او تحبي او اي شي..

امها مابقت مستشفى الا راحته
وكل مستشفى يقولون لها سالفه
الا يقول لاتشيل هم نموها عادي>> وهالشي مو واضح
واللي يقول تحتاج احد يمسدها
واللي يقول عندها تخلف عقلي
واللي يقول عندها عين والخ الخ

وللاسف مافيه ولا شي نفع

اخر شي اتصلت بدكتور بالرياض قال دام البنت عندها نقص بالاكسجين وقت الولاده يمكن يكون هو السبب وفيه امكانيه لعلاجها

وفيه وحده اتصلت عليها اسمها: ام عبد الله القرشي بالرياض تقول البنت تحتاج كوي في البطن والرجل عشان اللي عندها مرض اسمه ( وخيته او العفنه ) واحيان ناس يسمونها ام الورعان

وللحين صديقتي محتاره
وين تروح
وش تسوي

وربي انها ماتكلمني الا وبنبرة صوتها حزن على بنتها

ياليت يابناات تعلمونها وين تروح ووش تسوي
مين مرت عليها نفس هالحاله؟
مين تعرف ام عبد الله القرشي؟ وهل فيه افضل منها بالرياض او الجنوب؟
واللي تعرف اي احد ممكن يساعد بهالحالات ياليت تعطيني ارقامهم بالخاص

ابي فزعتكم يابنات لاتبخلون عليها بمساعده ماتتخيلون وش كثر تعاني وهذي اول مولوده لها