يابنات هالزمن .. عقدتوا الرياييل !!!!!!!

كتبت هالموضوع بعد ماشفت العجب من بنات هالزمن لدرجة اني صرت ما أصدق ان في بنت شريفة في هالزمن ( الا من رحم ربي طبعا ) وأنا ما أتكلم عن كل البنات ولكن الفئة السائدة والأغلبية ، في بنات وايد زينة بس ماينشافون لأن الله ساتر عليهم في بيوتهم .
في المدرسة : بنات في عمر الزهور ( 11 سنة ) تعرف أشياء أكثر من مرأة عمرها 30 سنة وصدقوني من واقع تجربة وبدون مبالغة والله على ما أقوله شهيد .. بنات كل همهم الجنس واللعب والرجال ويعرفون كل شي .وتخيلوا ان بنات يطلعون من المدرسة أيام الامتحانات ويواعدون الرياييل ويروحون يرقدون معاهم في الشقق ويكذبون على أهلهم ويقولون لهم تعالوا في وقت متأخر لأن عندنا امتحان . ( الله يحفظ بنات المسلمين )

في الشارع : بنات يتضحكون بصوت عالي ويشغلون الأغاني بصوت مرتفع داخل سياراتهم وأرقام من الشباب تتحاذف في الهوا .

في النادي :حتى بنات النادي طلعوا خراب .. مرة كنت حاجزة مع زوجي غرفة في فندق ولما كنا رايحين نفطر الصبح الا أشوف وحدة من بنات النادي اللي معاي لابسة مايوه وقاعدة في حضن أمريكي وتتدلع عليه ( صج انصدمت ) ما كان يبين عليها كلش .

في المجمع : البلوتوث والمغازل والبنات كل وحدة مطلعة صدرها وحالتها وبالعطر اللي يبط الراس وباللبس الفاضح .

في البيت : حتى الأطفال في البيت صاروا يفهمون حق الخراب ويرقصون .. تخيلوا ان بنت جارتنا عمرها 4 سنوات وترقص مصري أحسن مني ومنكم وتتدلع وتتمايع ( لا حول ولا قوة الا بالله )

في العمل : البنات والمكياج كأنهم رايحين عرس وعطورهم يشمونه الرياييل ويتلصقون في الرياييل ويسولفون معاهم كأنهم يسولفون مع رفيجاتهم .. يتكلمون في كل شي مع الرياييل حتى علاقتهم الزوجية .

في المقاهي : البنات يشربون الشيشة ويدخنون وعمرهم 12 سنة .. ويتواعدون ويروحون الفنادق والشقق المفروشة مع الرياييل .

بصراحة الرياييل تعقدوا من الزواج مافي بنية مضمونة وماعندها علاقات سابقة .. مافي بنية تصد ريال .. مافي بنية توقف الريال عند حده …
تخيلوا اخواني دايما يقولون : أي بنية بتصدنا على طول بنتزوجها !!!!! لأن الصراحة مافي بنية تصد هالأيام .. كلهم لما يسمعون كلمة زواج يسلمون نفسهم على طول

ليش يابنات ترخصون روحكم .. هل هاذي بسبب النقص اللي تحس فيه كل بنت ؟؟؟؟؟
لعلمكم ان الرياييل يقولون نفس الكلام الحلو حق كل بنية يشوفونها وأول ماياخذ شغله يرفسها ويدور غيرها وكأنها زبالة
صدقوني :
كل الرياييل يقولون في البداية : انتي حلوة ، انت جميلة ، انتي جسمج حلو ومغري ، انتي ……… الخ
لكن لما ياخذ اللي يبيه ويشبع يدور على التالية .
فليش الوحدة ترخص روحها .. المرأة انخلقت لرجل واحد يحافظ عليها ويصونها ويحبها وتحس انها ملكه ومحد لمسها غيره . ترى الريال لو كنت ملكة جمال جدامه بعد بيجي يوم ويشبع ويتملل لأن هاذي طبع الريال عموما .
وصدقوني لو قعدت أكتب في هالموضوع مابكمل لأنه طويل ومايكمل .

أتمنى الصلاح والخيروالهداية لكل بنات المسلمين