عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
انهاردة عملت مشويات حلوة اوى يارب تعجكبم قلت لازم انزلها لى اخواتى شويت فراخ على الفحم وكفتة طبعا اناجهزت وجوزى اللى شوى لانى ماليش خلق للفحم والدخان يلا نبدا بتتبيلة الفراخ
جبت فرخة حلوة مقطقطة كدة وغسلتها كويس وحطيت فى الخلاط بصلتين وطماطم وخل وملح وحبهان وتوم وفلفل اخضر وشوية زبادى وضربت كلة وتبلت الفرخة وسيبتها فى التتبيلة يوم كامل وبس ويلا حطى على الفحم
الكفتة بقا جبت الحمة المفرومة وفرمتها تانى كويس لانها كانت خشنة وتبلتها ببصل مفروم وملح وفلفل وبشرت طماطماية عليها على طريقة الشيف شربينى بس انا زودت ابشرطماطم ومكنش عندى دهنة حطيت معلقة سمنة فيها وقلبتها كويس وسبتها كام ساعة كدة وحطيتها فى اسياخ وانا بحبها تطلع محمرة شوية كدة زى بتاعت المطاعم جبت معلقتين صلصة ومعلقة سمنة وخلطتهم كويس وبقيت ادهن كل صوبع كفتة حاجة خفيفة كدة وطلعت بالشكل دة اتفضلو الصور طبعا عملت معاها سلطة خضرا وطحينة وبطاطس شيبسى 
