عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السللام عليكم ورحمة الله وبركاته وكل عام وانتم بخير وعيد سعيد
اخواتي نفسي ومنى عيني يكون عندى ولد اخو لبناتي الله يحفظهم
وبصراحه نفسيتى مرره تعبت من كثر التفكير في هالموضوع
انا اتسانه مؤمنه وعارفه ان كل شي مقدر ومكتوب وكل شي بيد
رب العزه والجلال والحمد لله على ذلك له الحكمه اللي مايعلمها الا هو
لكن كلام الناس مايرحم ونظراتهم هم بعد ماترحم والبلاء كل البلا اذا كانوا
اللي حوالينك واقرب الناس لك اذا زرتيهم بسرعه يخبون اولادهم او ياخذونهم
ويحصنونهم خوفا عليهم من العين قال ايه يمكن تحسدهم لان ماعندها الا بنات
اقسم بالله يابنات صار موقف من اخت زوجي كنت شايلة ولدها بحضني وبصراحه
انا احب الاطفال كثيرا واعطيته قطعة بسكوته وهو ياكلها ومبسوط الا شوى وياشرون لها
اخواتها تاخذ ولدها من حظنى وتقرء عليه وتحصنه وغيرررها كثير كثير
رغم انى وربي يشهد على كل ما شفتهم او شلتهم اذكر ربي واسمى بصوت عالي
علشان يسمعوني لكن ماكو فايده
مواقف كثيره اشوفها منهم تسببت في انى اكره الجلسه
معاهم او اورح لهم من كثر ماترى عيني وتسمع
اذني من كلام جارح وتعليقات
اعطونى خلاصة تجاربكم ابي ارائكم قولوا لي بسوي اللي علي واذا ربي كتب لي فله الحمد وله الشكر
واذا ماكتب لي اكون مقتنعه ولا الوم نفسي انى ما حاولت باختصار ابي اسوى اللي علي وربي كريم
ادعوا ربي واستغفره واتصدق بنية ان يرزقني بولد ويفرحنى ويفرح كل مسلمه
ادعوا لي يابنات بالولد الصالح لانى تعبت بجد تعبت ابي اجيب لبناتي ولد يكون لهم سند بعد الله سبجانه
وتعالى لانى بمجتمع كله وحوش ماحد يرحم واخاف على بناتي الله يستر علينا وعليهم من ظلم وجشع وقسوة الاهل
والاقارب وكيدهم
