عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ..
طبعا الكل يعرف فضل سوره البقره .. وكيف انها تريح الباااااال ..
من كثر ماسمعت عنها قررت انا واختي المداومه عليها يوميا .. خاصه انها ( لايقدر عليها البطله ) اي السحره
لكن المشكله اللي صارت !!
والله اني احترت اكتبها والا لا .. فكرت اني اسأل البنات المداومات على قراءتها بالخاص افضل
عشان ما اكون من المثبطين للبنات اللي عندهم عزيمه يقرؤها
بس قلت راح اكتب وش صار لي انا واختي هنا .. اكيد في مشكله فيني وفي اختي .. وابي منكم المساعده ..
الله يسلمكم انا اول مره اقرأ سوره البقره كاااامله .. نمت .. ولما صحيت حسيت المشاكل تطيح علي من كل جانب .. كلها اشياء تقهر اللي صارت .. يعني مشاكل مع اهلي وكذا ..
برغم هذا كله .. استغربت من برود اعصابي .. بالفعل حسيت ببرود اعصاب عجيب .. بس استغربت ليش هالمشاكل صارت فجأه بمجرد قراءتي لسوره البقره كامله لاول مره !
ظنيت اني وحدي بهالشئ ..
وفجأه تقول لي اختي امس .. انها بدت معي بسوره البقره كامله كل يوم .. وصارت لها مشاكل عجيبه بالجامعه مشاكل لاحصر لها خاصه ببحث التخرج ..
وبعدين قالت لي وتركت قراءتها بعد ماقرأتها 3 ايام متتاليه ( والمشاكل صارت بهالثلاث ايام ) وبس تركتها انحلت المشكله نهائي !!!!!!!
يابنات والله ان لسوره البقره فضل عظيم .. يمكن هالسالفه تكشف لي شئ انا ماعرفه ؟!
في احد مثلي انا واختي ؟!!!! في حد يفسر لي اللي قاعد يحصل ؟!
والله متردده انزل الموضوع هذا والا لا .. بس ادري انكم واعيات واكيد في مشكله فيني او في اختي ..
وداوموا على قراءه سوره البقره .. والله على كثر المشاكل اللي صارت اني احس من داخل بطمأنينه لو صارت لي هالمشاكل وانا ماني قاريه السوره يمكن طرطعت < كالعاده 
