عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم يافراااااااااشااااااااااااات
انا اول مره اكتب موضوع بالقسم لا تخيبون ظني ردوا علي
لاني محتاجه لكم
المهم
ماابي الف وادور راح ادخل بالموضوع على طول
يابنات انا مقهوره من زوجي
احس مايقدرني ابد
كل مااشتريت له هديه ماعجبته
وكل مره اقول خلاص ماراح اشتري له وارد اشتري وماتعجبه
اول هديه اول يوم من زواجنا
عطيته ساعه قسم بالله تاخذ العقل كل من شافها انهبل عليها
واشتريتها حسب المواصفات اللي تعجبه
وماعجبته لبس ساعه ثانيه مو حلوه تجيب المرض
وجبت له عطر نفس نوع عطره مع لوشن للجسم
تخيلوا وش قال ..؟
قال:حلو بس بارفعه قلت له ليش قال العطر احسه انه مو الاصلي احسه تقليد
وانا قسم بالله مشتريته غاااااااااااااااااالي
طبعا مارديت وقتها كنت عروسه ومستحيه
ومره ثانيه عطاني فلوس ورحت السوق واشتريت له تي شيرت
وربي انه رماه في وجهي وقال هذا حق مراهقين
طبعا مت من البكاء وخذيت التي شيرت وعطيته اخوي
وهو عاد يوم شافني ابكي قام قال والله مو قصدي ومن هالكلام
ومره اشتريت له سبحه غااااااااليه يمكن ب200 ريال
لاني اعرفه يحب السبح
تخيلوا عاد سوى انها عجبته
ولا استخدمها واخذ سبحه جات هديه مع عطر وصارت طول الوقت بيده
وسكت وقلت عادي مو اول مره
وجاني بعد كم يوم قال حبيبتي باقولك شي بس لا تزعلين
ابي اخذ السبحه واهديها اخوي
عاد انا وقتها كان نفسي اموت ولا اسمع هالكلمه بس قلت له عادي ياقلبي انا جبتها لك وانت من حقك تعطيها اللي تبي
وشريت له مره بيجامه تاخذ العقل وقماشها يعجبه ولما شافها قال خليها بالدولاب
يابنات انا مقهوره وربي اني مو موظفه بس اشتري له من اغلى شي
وهو اذا جاب لي هديه جابها رخييصه ومعفنه
مره ساعه من ابو عشره قسم بالله كنت بابكي يوم شفتها
ومره عطر من صيدليه
آه آآآآآآآآآآه يمكن تستخفون بمشكلتي بس وربي احس ان هالشي ذابحني
ورغم هداياه التافهه الا اني اقوله واااااااو روعه تجنن واحاول استخدمها قدامه
واذا رحت معه بمكان احاول ابين له ذوقي كيف واقوله هذا يعجبني وهذا مايعجبني
المهم ان عيد زواجنا قرب وانا محتاره اشتري له هديه والا اطنشه
اخاف اجيب له شي ويكسر خاطري
تكفون ردوا علي وساعدوني احس قلبي تعباااااان من هالموضوع:042:
