يابنات الى ماتزوجت واكثر من شخص يجيها بس مايصير نصيب ….شوفو الشيخ وش قال

السلام عليكم
يابنات انا عندي موضوع والله مااكذب عليكم باي كلمه
انا تحلمت بحلم ورحت فسرت حلمي عند شيخ ((هذا الشيخ فسر لوحده من صدقاتي وسبحان الله تحقق الحلم ))
المهم دقيت على الشيخ وقلت له حلمى وسالني انتى متزوجه وقلت له لا قال انتى اكثر من شخص تقدم لخطبتك بس ما صار نصيب قلت له اكثر من شخص يجي ويروح من غير حتى اعتذار يمكن 7 اشخاص
قال شوفي با بنت انا راح اقول لك شي بس عادي لاتخافين قلت تفضل قال انتى عندك تعطيل عن الزواج والله يابنات يوم قال هذا الكلام قلبي عورنى والافكار صارت تروح وتجى في بالي .
المهم قال الشيخ انتى لازم تتعالجين وماتسكتين عن نفسك قلت له انت وش عرفك قال حلمك يدل على كذا وقام يشرح لى الحلم وش معنى كل شي فيه وبعد قال انه وحده تحلمت حلم شبيه بحلمى واستخدمت العلاج وشفائها الله وتزوجت
المهم قال لى برسل لك العلاج ولازم تستخدميه بس بشرط اول لازم تكونين صادقة مع ربك قبل نفسك _ كثرة الاستغفار _الصدقة _ صفاء النية _والدعاء وركز على الدعاء
طبعا ماننسى انه الزواج قسمة ونصيب بس فية اشياء تمنع الزواج مثل عين وحسد وسحر الله يكفينا الشر
المهم يابنات انا ماقلت هذا الكلام الى انى والله ابي الاجر وابيكم تدعون لى ان الله يشفينى ويرزقني الزوج الصالح
الحين راح اقول لكم العلاج
1)) الترويش _ يؤخذ بيالة سدر _بيالة شبه مطحونه _بيالة حنه مطحونه _بيالة ورد مطحون ونخلط بسطل ماء مع بعض ويتروش بها وتعاد الطريقة يومين لمدة شهر يعنى تتروشينى وبعد يومين تتروشين مره ثانيه
بعد الترويش اقعدي بالخلطة 10 دقائق ثم غسيلها بالماء والصابون
2)) الشرب _يطحن دم الاخوين ويؤخذ منه ملعقة صغيره في كأس ماء ساخن بعد الفطور لمدة شهر _وكذلك السنوت بنفس طريقة طريقة دم الاخوين لكن يكون بعد العشاء _ وكذلك عود القسط الهندي مثل طريقة الباقي لكن يكون بعد صلاة العصر
3))الدهن _ يخلط زيت الزيتون مع تولة مسك اسود وشذاب مطحون (فنجال )ويدهن به لمدة شهر
ــــــــــــــــــــــــــ
وقال لى لازم ترقين نفسك _ وتحاولين تقرأين جزء من القران
يابنات
القسط الهندي والسنوت ودم الاخوين انا سويت بحث بالنت عنهم كلها مفيده للجسم
وانا ابي كل وحده تبي تستخدمها تسوي بحث احسن عشان تتطمن او تسئل شيخ
ـــــــــــــــــ
على فكره انا لى 4 ايام استخدمها ماصار لى شي
وانا اتمنى ان الله يوفقك ويرزقكم الازواج الصالحه