عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا بنتوتات ومتزوجات :072:
السالفة ومافيها أنا متملكة من من 7شهور تقريبا وأهل زوجي طبعا ساكنين بالجنوب وكل فترة والثانية يزورنا عمي أبو زوجي بالرياض ولكن اصبحت اكرة لما يجي بسبب نظراتة لي واحراجة الدائم لي ؟؟؟
قبل أسبوع كان موجود عندنا بالبيت وانا موظفة اطلع الصباح وارجع قبل المغرب وبطبيعتي اموت بالكشخة ولا أحب يكون مظهري داخل او خارج البيت مبهذل:047:ومستحيل احد يلقى شعري مش عاملتلة استشوار او مش حاطة مكياج ولابسة اكسسوار واحلى لبس وانا بصراحة اتميز عن عائلتنا بجمال ولله الحمد ومميزات كثير حلوة عكس اخواتي وبنات عمي حتى عائلتنا وعائلتهم سمر مرررررة ولكن انا لوني مرة فاتح وحلو وراثتة من اهل امي والعين دايم علي :0144: وطول الوقت يناظرون فيني وعمي من قبل مااملك وهو مبهور فيني ولكن هذا الانبهار زاد لدرجة صارت تضايقني مثلا
لمايشوف اني حاطة مناكير بأيديني ورجولي يجلس ساعة يناظر فيها ويقول ماشاء الله تبارك الله (انا لو عندي هاليدين والرجلين نمت عليها):0104:هالكلمة صدمتني ومافكرت فيها تفكير سلبي بس احسها كبيرة وكل ماقلت لصحباتي قالوا عادي حتى زوجي يقول طبيعي بس بيني وبينكم كان زعلان وطنش.
المثال الثاني :0104:لما يسلم علي يلصق شفايفة بخدودي بطريقة تحرجني ويمدح عطري وجمال شعري بعدين يبوس يدي وانا اسحب يدي منة وهو يبوس الثنتين علما بأن هذة الحركات تصير قدام اهلي كلهم؟
ودايم بس يسولف عني ويمدحني مما خلى علاقتي بوحدة من بناتة تتوتر وتقول ابوي زودها في الكلام عنك والله يابنات في ناس يجون من الجنوب لضروف خاصة فيهم ويحرصون على انهم يجون يشوفوني من كلام عمي عند الرجال والحريم عني وهذا الشي وصل حدة عندي وفتحت الموضوع مع زوجي وقال لاتزعلين هو بحسبة ابوك ومالة داعي الكلام عنة وسكتنا.:043:
ودي اصارح عمي واشرح لة الموضوع كامل بس اخاف من ردة فعلة خصوصا يابنات انة حتى اتصالاتة في اليوم يمكن اربع مرات بس ماارد علية الامرة او مرتين ..
اخاف اصارحة وينقلب علي وينكد عيشتي :0148:وانا موناقصة ..
دلوني الله يسعدكم ودايم اقول الدعوة للي ترد واللي ماترد:072:
عن omar memo
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …