عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ايوا امي حتجنني مع اني احوبها بس تصرفتها معايه شي تاني يابنات
اول حاجه انا مملكه وزوجي ماشوفتو الا مرررا وحده بعد الملكه المهم كل مااكلم خطيبي في الجوال امي تقول ماتكمليه كتيرر مع انو والله مايكلمني الا مرررا وحده في الليل وساعتين ومايطول وتعصب عليا وتقولي انتي ماتتصلي عليه خليه هوا يدق عليكي انا اقولها ياامي خلاص انا في البدايه تقلت عليه بس دحينا بعد الشبكه خلاص مافرقت انا ادق ولا هوا تعصب علياا وتقولي انتي قليله ادب وكمان لما اكون جالسه معاااه لوحدنا لازم تنكد عليا وتعصب كدا من دون سبب لما اسئلها اشبك تعصب علياا وتصرخ علياا ودحينا ليا 3اسابيع ماشوفتو يابنات ونفسي اشووفو مشتاقلتو وهوا كمان يبغى يشوفنني كان راح يجيني الاسبوع الي فات بس سار ظرف كان ابويه مسافر وكمان هوا في مدينه وانا في مدينه تانيه وهادا الاسبوع قاال راح اجي عندك يوم الخميس قولته اوك وانبسط مرررا المهم لما رحت كلمت ابويه قاال اهلا وسهلا بيه ولما رحت قلت لي امي عصببت وقاالت لاماراح يجي قولتها ليش ماتبغيني اشوفه قولتها من حقي اشوفه قاالت ياسلام مو من حقك تشوفيه وربي انقهرت وسرت ابكي واحيانا تسب في زوجي وانا اسئلها ليش تسبيه تعصب عليا وتقولي مالك شغل اسب براحتي وامي تقولي دايما لو جاكي خطيبك ماتقفلي الباب ابدا ولا تسوي ولاحاجه معاه (انتو فاهمين يابنات مايحتاج افهم) اقولها احنا متزوجين عاتي بس في خطوط حمرا مانتعدها قاالت لامن قال انكم متزوجين اقولها كتبنا كتاب واتزوجنا على سنه الله ورسوله قاال لااااا وتصرخ عليا وتعصب والله انا تعبت وكمان دايما تحب تتلقف والا تبغى تعرف احنا ايش سوينا يوم الشبكه لما دخلنا الغرفه لي حالنا وايش كمان اتكلمنها في الجوال وايش قلنا اقولها هادي اسرارنا مو لازم تعرفيها تصرررررررخ عليااا والله يابنات انو لما جاااني مااخدت راحتي ابداا ولاسرت اعرف اتكلم ولاهوا كمان ماقدر ياخد راحته من الكلام معايه كلوو من امي مع انو ابويه دايما يقولي زوجك اهم من امك وابوكي ويقوول لاتقولي لي امك ولاحاجه هادي اسراركم ويقول مادام انا معاكي مايهمك امك والله ابويه عاارفه المعاناه الي عايشتها مع امي وحاسس فيا والله ودايما يفهم امي انو خلاص احنا اتزوجنا بس مو راضيه تقتنع ابويه مل وربي معاها لدرجه انو دايما يشكيلي على امي ويقول اذا امك ماررجعت زي اول حتزوج علياا وانا اقولو لا يابابا لاتسويها والله ابويه صاااابر بس امي طيبه واحوبها بس هيا الله يهديها الي في راسها براسها ومستحييييل تقول انا غلطانه حتى لو هيا غلطانه وبدات مستحيييل تقول انا اسفه لو ايش
والله يابنات انا تعبت احيانا افكر اني اتطلق عشاان نرتاح من المشاكل الا تجيبها امي عمركم شوفت ام ماتبغى بنتها تنبسط وقت ملكتها وتعيش زي البنات مبسووطه وفرحانه والله يابنات انو يوم شبكتي طلعت في القاعه وانا ابكي واشهق من امي كانت في البدايه مبسوطه ولكن اخر الحفله عصبت ونكدت علياا وكلهم سارو يهدوني ويقولو لاتبكي انتي عروسه وانا ابكي الين ماروحت البيت وامي مااهتمت فيا ولاحاجه الله يهديها ويسامحها وبس في احد زيي ولا بس انا الي كدا يابنااات والهل تعبت من امي ودحينا هادي الايام معصبه مني وماتبغى تكملني وماتبغى تشوف وجهي وتدعي علياا هادا كلوو عشان قلت خطيبي حيجي هادا الاسبوع ولو رحت بست راسها ويدها حتسبني وحتدعي علياا يابنات عشاان كدا ماابغى اروح اتفشل قدامهم ساعدوني يابنااااات تعبت والله تعبت 
عن G U M B L Z
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …