عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته…
كيف حالكم فراشاتي؟ زمان مانزلت موضوع جديد..
بس والله دي المرة مانزلت موضوع رغبة ولكن فقط احتااااااااااااااج دعواتكم !!! 
غالياتي أنا لي كم يوم ورا بعض بس من خبر لخبر وكلهم احسهم صددددددمة علي!!! 
)
)
الحمدلله على كل حال…لا إله إلا أنت سبحانك إني كنت من الظالمين…
ماحبيت اقولها بس عشان تعيشوا نفسيتي معايا وتدعولي.. 💡
من ضمن الاخبار عرفت انو فلان فقد وظيفته عشان السعودة (كيف حتقولوا؟)…
(خلاص مايحتاج لا كيف ولا لماذا ولا متى؟!!!.. بس لاتفكروا انو انا لسا على تواصل بيه لاني من يوم
ماتبت ماعاد رجعتله ولا رجعلي ولا رسايل ولا اتصالات ولا شيييييييييييييييء!!!)
الحمدلله ماشاءالله انا تائبة لي شهر واسبوعين..ولازلت ان شاءالله الى الابد ولله الحمد… 😥
كمان فجأة من غير احم ولا دستور اتسحب رصيدي اللي في البنك كله 700 ريال وصار رصيدي بالناقص
يعني يبغوا يكملوا باقي الرصيد لين يوصله 1050 ريال..فأي مبلغ احطه في رصيدي راح ينسحب لين ما
يكملوا المبلغ 1050..وطبعا هذا المبلغ قبل 3 شهور اشتريت من محل جوالات بالشبكة السعودية
والمحل اترفضت العملة عنده وراح سحب المبلغ من محل جنبه..فدحين يطالب بالمبلغ نفسه ومو عارف
انه سحبه من المحل اللي جنبه… 😡 👿
وقاعدة باحاول معاهم لين يردولي فلوسي..ادعوووووولي ربنا يفرجها وترجعلي… 😥
وشيء حصلي اليوم بالشغل ضاييقنننني مررررررررررررررا..:P
انا والله صرت اروح الشغل اغير جو وانبسط مع زميلاتي..لكن اليوم حصل موقف جدا اثر في نفسي..
انا مساعدة ادارية بالاضافة الى اني ادرس شعبة وحدة..فكل اجتماعات الادارية انا معاها ..اليوم كان
عندنا اجتماع وخرجوني من الغرفة (ماعرف ليش!!!)..وكان الاجتماع بالمشرفات فقط ولكن في نفس
الوقت كان من ضمنهم وحدة نفس وظيفتي مساعدة + استاذة لشعبة 1..وخلوها تحضر..:(
حسيت نفسي منبوووذة…وخرجت بدري قبل الوقت وقلت دامني جالسة زي ال…لحالي ما اسوي
شيء اروح بيتي احسلي وفعلا رجعت البيت..بس ضاق خاطري..
(يعني ليش يفرقوا بيني وبينها… 😥 )
الحمممدلله بس!!!!
واكتر خببببببببببببر جاني اليوم خلاني اتووووه واضيييييييييييع في تفكيري …
اعععععز صاااااحباتي اللي معايا من زمااااااان المتوسط الى دحين ماشاءالله تقريبا 11 سنة..
انقبلت بالبعثة..!!! انا مررررررررررررررة فرحانتلها وانا وهيا سجدنا سجود شكر لانه مرة كان لها رغبة فيها
بس حافتقدهااااااااااااااااااااااااااااااا..لانها والله ع قولها انتي بنتي وانا امك..من جد من جد كل ما اتضايق
اكلمها..كل ما ابكي اتصل عليها..كل ماعندي شيء باستشيرها فيه ادق عليها..كل فضفضة لها..
كل امر فلانة فلانة فلانة فلانة!!!….
ملاحظة مهمة!!! على فكرة حبايبي انا مانزلت موضوعي عشان احد يرثي لحالي انا والله بس عشان
احتاااج دعوووواتكم..اما حالي فالمشتكى لله فقط مو للبشر..!!! 😆 hy:
تقبلوا تحياتي..
أختكم..قلوووبة…
