ياااااااااااااارب كل من دخلت موووضوعي افتح لها ابوااب رزقك واستجب دعائهاا

,

,
خواتي اكيد الانسان مبتلى ,, فيه مناا ابتلاء بالمال ,, كثير ناس حالتهم الماديه صعبه ويالله تتوفر لهم الضرورياات بس اكل وشرب ومكان يسكون فيه

ونااس سبحان الله عندهم مال ومركز وخدم لكن ربي ماكتب لهم يجيبون عيااال ,,,

الدنيا دار العمل وبالجنــــــــه لــــن نحـــــــزن

كثير منا الا خل نقول كلنا ماافيه احد مايصيبه
هم ,,
ضيق
شده
كرب
مشاكل
هموم
وغمووم

بس ربي اللي خلقناا هو اعلم بحالناا وارحم فينا من امهااتنا

سبحان الله سمعت مره وحده تقول ,, ربي يقطع من جهه ويااصل من جهه ثانيه

عندك صحه احمدي الله غيرك ماعنده
عندك مال احمدي الله غيرك يتمناااااه
بين امك وابووك احمدي الله غيرك يتيم ولا مايعرف من امه ومن ابوه
عندك نعم كثيييره ربي منعم عليييك
غيرك يتمنى بس يلقى له اكل وشرب بس
غيرك ابوها بغيبووبه له كم سنه
غيرك اخوهاا بالسجن من زمان
غيرك ناس مرضى بالمستشفيات
غيرك ربي باليهم بسرطان وامراض

ليش حنا بس نناظر اللي نااقصناا
ليش مانناظر الاشياء اللي موجوده عندنا
ليش مانشكر الله ,, (( ولئن شكرتم لأزيدنكم ))
تبين النعم اللي عندك تدووم ,, اشكري ربك عليهاا

لاتقولين اناا ابي وابي مااحصلت ,, ليش النااس احسن مني
ليش انا من بين الناس كلهم يصير لي كذاا

مااتبين الاجر ؟؟
ماعندك ايمان بقضاء الله وقدره؟؟
ماعندك ثقه ان ربي قادر يبدل حالك للاحسن ؟؟

ادعي ادعي ادعي واستغفري

لاتقولين دعيت بس ماصار شئ
من متى وانا ادعي ماتغير شئ

ربي ياخر الاجابه لحكمه ,,

يقول ابن باز
فإذا تأجلت الحاجة فلا تلم ربك، ولا تقل: لماذا، لماذا يا رب؟ ارجع لنفسك، فإن ربك حكيم عليم، ارجع إلى نفسك وانظر فلعل عندك شيء من الذنوب و المعاصي كانت هي السبب في تأخير الإجابة، ولعل هناك أمراً آخر تأخرت الإجابة من أجله لأنه يكون فيه خيرٌ لك، فأنت لا تتهم ربك ولكن عليك أن تتهم نفسك، وعليك أن تنظر في أعمالك وسيرتك . انتهى كلامه

ليش ماتخصصين مبلغ من المال تخرجينها صدقه لوجه الله
لو من مكافئتك لو من مصروفك
ليش مانستكثر على انفسنا نشتري سااعه غاليه ولا شنطه ماركه
تقولين الناس موو احسن مني ,,
ماابي اصير اقل من الناس
طيب ماتبين ربي يوفقك بحيااتك
ويسعدك
ويفرج همومك
ويستجيب دعائك

ماتدرين بهالكم ريال اللي طلعتيهم ربي يصرف عنك مكروه ,,
ماتدرين ربي يسهل عليك امر زواجك
ماتدرين ربي يرزقك الذريه من عقب هالصدقه
يمكن ربي يغفر لك ذنوبك عقب صدقه نويتيهاا لوجه الله

ليش نضيق على انفسنا وابواب الخير قدامناا

تجي نفسك الاماره بالسوء تقولك صعبه عليك انتي ماتعرفين احد فقير
ماعندك رصيد بالبنك تحولين

طيب انتي اذا رحتي للسوق بطريقك ماتلقين عمال
اقلها عاملات النظافه بحمامات السوق اكرمكم الله

________________

شئ ثااني ,,, والدييينك

كثير نشووف هنااا امي ماتفهمني امي تكرهني
امي قااسيه لييش يااربي
هذي امك
شلوون تكرهك
ليش حنا نراعي صديقاتنا ونحط لهم الف عذر وعذر وامهاتنا لاا
ليش اقوول صديقتي اليوم ناافخت علي بس يمكنها متضاايقه وامي لااا مااعذرها
ليش صديقتي اتذكر وقفاتها معي واقول والله ماتقصر لازم ارد لهاا وامي لااااا
ليييييييييش
هذا بنظركم بر ؟؟
ليش بالهدايا تقدمين صديقااتك ,,, طيب امك مالها حق ؟؟
ماتستاااهل ؟؟

يااربي تجعلناا من البارين بابائنا وامهاتنا بعفوهم وعافيتهم وعفونا وعافيتنا

اعرف وحده شدييدة البر بامها من بين كل خواتها
والله ربي موفقهاا
زوجها على كيفهاا ,, بيتها من احسن شئ
سياراتهم من احسن شئ
عياالهااا طااايعيين لهااا باارين فيهااا

والله غيييير باقي خواتهاا ,, سبحان الله برهاا عجيييب
وثمرته اعجب ,,

الله يرزقناا من وااسع فضله ,,,

جبت لكم بعض الادعيه يمكن كثير غافلين عنها ولا ناسينها ولا احتمال بعد مايعرفونها
وان شاء الله بيستفيدون منها

دعاء الكرب

عَنِ ابْنِ عَبَّاسٍ رضي اللَّه عنْهُما أَنَّ رسُولَ اللَّه صَلّى اللهُ عَلَيْهِ وسَلَّم كَان يقُولُ عِنْد الكرْبِ : « لا إِلَه إِلاَّ اللَّه العظِيمُ الحلِيمُ ، لا إِله إِلاَّ اللَّه رَبُّ العَرْشِ العظِيمِ ، لا إِلَهَ إِلاَّ اللَّه رَبُّ السمَواتِ ، وربُّ الأَرْض ، ورَبُّ العرشِ الكريمِ » متفقٌ عليه .
اللهم رحمتك أرجو فلا تكلني إلى نفسي طرفة عين ِ وأصلح لي شأني كله لاإله إلا أنت الله ، الله ربي لاأشرك به شيئاً .رواه ابن ماجه .

قال رسول الله صلى الله عليه وسلم :” دعوة النون إذ دعا بها وهو في بطن الحوت :” لاإله إلا أنت سبحانك إني كنت من الظالمين لم يدع بها رجل مسلم في شئ قط إلا استجاب الله له ..صحيح الترمذي

لا اله الا الله العظيم الحليم لا اله الا الله رب العرش العظيم لا اله الا الله رب السماوات السبع ورب العرش الكريم

(دعاء البلاء والغم)
:لا اله الا انت سبحانك اني كنت من الظالمين
(دعاء لمن اصابه هم او حزن)
:اللهم اني عبدك ابن عبدك ناصيتي بيدك ماض في حكمك عدل في قضاؤك اسالك بكل اسم هو لك سميت به نفسك او انزلته في كتابك او علمته احدا من خلقك او استاثرت به في علم الغيب عندك ان تجعل القران العظيم ربيع قلبي ونور صدري وجلاء حزني وذهاب همي وغمي
(دعاء المكروب)
:الللهم رحمتك ارجو فلا تكلني الى نفسي طرفة عين واصلح لي شأني كله لا اله الا انت
(دعاء ازالة الهموم)
:ياحي يا قيوم برحمتك استغيث
(دعاء من اصابه كرب وشدة)
:الله ربي لا اشرك به شيئا
(دعاء لدفع الهم وانواع البلاء)
:لا حول ولا قوة الا بالله العلي العظيم
(دعاء ابراهيم عليه السلام)
:حسبنا الله ونعم الوكيل

رب لا تكلني الى احد ولا تحوجني الى احد واغنني عن كل احد يامن اليه المستند وعليه المعتمد وهو الواحد الفرد الصمد لا شريك له ولا ولد خذ بيدي من الضلال الى الرشد ونجني من كل ضيق ونكد

اللهم امين

واخيرا ,, وليس بالاخير
خواتي انا مقصره الله يعفوو عني وعنكم بس والله ابي لكم الخير
لو وحده بس وحده تستفيد وتطبق هالكلام يكفيني
فان اصبت فمن الله وان اخطات فمن نفسي والشيطان
يااليت كل من تدخل تضيف شئ من عندهاا
اي شئ يفيدنااا ,,
حناا بحااجه للتذكير ,, فيه اشياء كثير نغفل عنها
ياربي عملناا خالص لوجهك الكريم فتقبل منا يا اكرم الاكرمين

دعواااتكم لي وعذرا على ركاكة الاسلوب

مخرج ,,