عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
يا هلا حبيبات قلبي ..
اخباركم ؟ ان شاء الله بخير و صحه و سلامه ..
بسم الله نبدا ..
مين فينا ما يحب الزين ؟؟ ومين فينا ما يحب يدلع نفسه بين فتره و فتره ؟؟
كل وحده فينا تجهز الزيوت و الخلطات قبل الشاور تتلطخ فيهم صح ؟؟
و تقعدين اقل شي ربع ساعه – ساعه ..
و النتيجه نهايتها تكون مرضيه جدا ..
لكن نهايتها مخاسير الدنيا ..
خلطتي هذي .. ما تكلفك شي ..
وهي تصلح للبنوته – المتزوجه – الحامل ..
و حتى بناتكم الصغار خلوهم يسوونها لانها جد مرررضيه ..
راح تعافين زوجك بعدها و تقولين ياليتني اتزوجني ههههههه ..
الغرض منها: نعووومه شديييده – توحيد اللون مع الاستمرار
( اقصد الجسم نفسه وليس توحيد مناطق معينه مثل الركب و الاكواع الا بعد فتره من الاستمرار )
كل المطلوب هو .. ( 3 اشياء بس ) ..
– 3 ملاعق ونص رز ( مطحون)
– 3 ملاعق ونص نشا
– 5 ملاعق ماء ورد
الطريقه :
خذي علبه فاضيه او صحن اللي يريحك .. و حطي فيها 3 ملاعق و نص نشا ..
و نجي للرز ..
حطي الرز في الطاحونه الكهربائيه ..
ملاحظه/ لو ماعندك طاحونه ممكن تطحنينها بيدك بالمطحنه .. او تودينها لأي مكان يطحنها لك ..
وضيفي الرز المطحون .. للنشا ..
اخلطيهم شوي …ثم ضيفي عليهم 5 ملاعق ماء ورد .. و اخلطيهم ..بيصير شكله ثقيل على شوي سايل ..
طريقة الاستخدام:
بعد الشاور الطبيعي حقك .. خلي الخلطه هذي آخر شي ..
يعني لو تبين تسوين سكراب و هالاشياء سوي براحتك ..
لكن هالخلطه تكون آخر شي ..
ملاحظه/ انا اذا سويتها ما احتاج اسوي اي سكراب هذي تغنيني ..
الخلطه بتجف .. و بتصير شوي سميكه .. ماعليك عادي ..
خذي بيدك و حطيها على كامل جسمك .. حتى وجهك ..
و اقعدي من 3 – 5 دقايق بس .. <<< اسهل من كذا مافيه .. بلاش ربع ساعه ..
و خذي الليفه الخشنه و بلليها شوي بالماء ..
ملاحظه/ اللي بتستخدم الليفه المغربيه ما ادري .. انا ماجربتها ..
افركي جسمك كلللللله .. مو لازم الخلطه تروح .. اهم شي تفركين جسمك كله ..
الا المنطقه الحساسه و وجهك .. افركيهم باصابع يدك بشويش بحركات دائريه ..
و اذا خلصتي فرك .. تشطفي بالماء الدافئ المايل للبروده ..
وبس ..
النتايج :
مدة استخدامه:
3 مرات .. ( مع كل شاور يعني) ..
كيفية استخدامه:
حطي الخلطه على جسمك من 3- 5 دقايق ..
خذي ليفه خشنه و افركي جسمك كله ..
وجهك و المنطقه الحساسه افركيها بأصابع يدك ..
النتيجه:
الحمددلللللللله .. كان عندي سواد من الكلوت .. و خف بنسبة 92%
و النعومه كانت شدييييييييييييده ..
غير كذا كان عندي شوي جفاف في منطقه الكلوت .. حتى الكريمات تكون مؤقت مفعولها ..
و الحمدلله الحين راح .. وماصار يتقشر ..
مدة النتيجه:
من اول مره شفت النتيجه ..
خصوصا النعومه .. واو واو واو ..
السعر المستخدم:
نشا = ريالين ونص
ماء ورد = ريالين ونص
رز = موجود في كل بيت ان شاء الله
ملاحظه/ هذي الخلطه تكفيك للاستعمال مره واحده ..
لا تسوين منها كميه كبيره .. لو خزنتيها مفعولها ما بيصير زي ما تكون طازه ..
&&&
ان شاء الله ما طولت عليكم ولا كثرت كلام ..
الموضوع منقوول وحبيت اني افيدكم وما اطلب منكم الا ياااارب يتحقق اللي في بااالي و يجمعني معه ..
