و للأســــــــــــــــــــف!!!

بصراحه أنا ملاحظه أن الجلسات النسائيه ” المتزوجات خاصه ” ما تخلى من الكلام اللي ماله داعي
يعني والله كلامهن مره قله ادب و حرام كله عن غرف النوم كأنك تسمعي لك شريط إبااااااحي بمعنى الكلمه
مافي خوف من الله و لا حياء من الناس لا ويتريقو كمان
و للأسف هذا الشئ وصل حتى لمنتدياتنا … ماادري إيش الغرض من الكلام هذا ؟ و ما أدري إيش الصوره اللي بتعكسوها للعالم من كلامكن هذا ,, فينهم عن حديث الرسول صلى الله عليه و سلم:
( (( إن اشر الناس عند الله منزلة يوم القيامة الرجل يفضي إلى امرأته وتفضي اليه ثم ينشر سرها ))

لا و اللي يقهر أن الوحده لما تنزل موضوع كذا تلقي الردود أفضع منها اللي تلمح تلميحات وسخه واللي تشكرها على جرئتها واللي تقول بأسوي زيك إن شاء الله !!!!!!
ويوم رديت و نصحت بالحسنى حذفو ردي و كتبوا مكانه (( مشكوره اختي )) على إيش أشكرها بالله على المصاخه و قله الحياء 😐

لا و تجي الوحده بعدين و تدور زي المجنونه عن خلطه عشان ترضي ابو الشباب وهو والله مو داري عنها , والأفظع العمليات اللي يسوونها عشانه
عمركم شفتو رجال مسوي عمليه تجميل عشان يرضي زوجته ؟؟؟
وبعدين لما الوحده زوجها ينتقدها على جسمها او شكلها و يجلس يتريق المفروض تطنش و تعرف أنه خسيس ما دام جلس يتريق و يقارنها بالممثلات و تكون ثقتها بنفسها أكبر من كذا مو تروح زي الهبله تسوي عمليه يمكن يصير لها شئ و تروح فيها … ويش ذنب عيالها بالله ؟؟
الرجال كذا ولا كذا يفكرون بالثانيه سواء سواها و تزوج او ما سواها
الوحده لازم تعرف أن الحياه مو رجال و إن عندها أشياء أهم من كذا

في وحده قالت للشيخ أنها تحب زوجها لدرجه العشق و صارت حياتها كلها له حتى بصلاتها تفكر فيه !!!!!! ويش إستفادت بالله ما غير خسرت أخرتها

انا ما أقول الوحده ما تلبس و تهتم بالعكس الله جميل يحب الجمال لكن كل شئ له حدود , غلط اللي يصير بالمنتديات و المجالس , غلط الكلام اللي اسمعه من الحريم … ليش الوحده ما تخلي سرها لها و تنطم خاصه أنه حرام كمان

أفتكر لما كنت صغيره كانت امي ما تخليني أجلس مع الحريم أبداا حتى لما كنت بالثانوي , ولما كبرت و سألتها عرفت ليش , كلام منحط و ضحكات و تريقات كلها قله ادب و مسخره بمسخره

ليش ما نكون ارقى من كذا ؟؟؟ لمتى الوحده تكون تابعه للرجل ؟؟
هذا اللي أتمنى تفكرون فيه زيـــــــــــن
ولا تنسو أن النار أكثره من النساء أعاذنا الله و إياكم

لكم ودي