عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا بنات انا راح اخش بالموضوع علطول انا بنت وعمري 22 والحمدلله مو ناقصني جمال ولا علم ولا حسب ولا نسب ….لكن صارت لي حاجة حاسة انها دمرتني وانا قاعدة اكابر واقول لا ماصار شي …قصتي تبدأ من لما شافني ولد عمتي في زواج اخوه كان داخل مع التكنيشن عشان يشيكوا على الاضاءة في القاعة وواجهته وشافني .. في نفس يوم الزواج الساعة 2 بالليل ارسل مسج انا خالد ولد عمتك والله اني احبك من زمان واتابع اخبارك بس اليوم لما شفتك قلت لازم اجيب رقمك باي طريقة انا انصدمت وجلست فترة افكر وشوي شوي بدت بينا رسايل وتطورت لمكالمات والله يابنات ماكان ودي بس قلت هذا ولد عمتي مستحيل يضرني وصار بينا علاقة قوية وهو من الاول قال انه يبغى يتزوجني وكلم عمتي وعمتي خطبتني عشنا ايام حلوة تكلمنا في كل شي شهر العسل عيالنا وش بنسميهم وخططنا لحياتنا وقلنا بنروح برا نكمل خاصة ان كلنا في الطب ……. كان يقولي كلام لو تسمعون تقولون هذا مايعيش من غيري كان جرئ بس كنت دايم احاول اضبط الامور معاه طلب نتقابل
قلت له صعبة ومااقدر اقنعني وقال انتي زوجتي الحين قلت اوكيه وقابلته من ورا اهلي وطار فيني
بعدها انا حسيت اني خلاص قطعت شوط ومابي اتمادى قلت لازم يصير ملكة اقل شي عشان انا ارتاح
قال انا ولد عمتك انتي مو واثقة فيني قلت مو قصة بس خلاص بصراحة انا مابي اكلمك ولا اشوفك لحد مايصير بينا شي رسمي وكل الناس تدري جلس يلح ويقول انا مقدر استنى الفترة هذي كلها من غير مااكلمك او اشوفك قلت له اذا تحبني صح بتصبر وبتتحمل لحد امورنا ماتصير اوكيه …
تخيلوا يابنات بعدها بفترة من النقاش هذا ارسل مسج قال انتي ودك تفرضين رايك علي وانا ماحب الطريقة هذي وانا خلاص ماعاد مكلم احد ولا شايف احد ولا متزوج احد … تخيلو بالبساطة هذي انا قريت المسج ماصدقت حسيت اني منهارة من داخل بس اتظاهر اني قوية جلست شهر وبعدها انهرت جد وصحتي تدمرت كل يوم اقرا رسايله وابكي 800 رسالة اقراها كل يوم قبل انام حفظتها من كثر ماقريتها ….بنات ساعدوني المشكلة احس اني احبه وماني قادرة انساه وكل يوم استناه يتصل و يرسل
انا حاسة انه يحبني بس كبرياءه يمنعه انه يتراجع عن اللي قاله انا مو مصدقة انه كان يلعب هذا ولد عمتي مو غريب ……. سامحوني على الاطالة بس لا تلومنوني من القهر اللي فيني …
ساعدوني الله يسعدكم
