ولدت ولله الحمد/وقصتي المريره

كيف حالكم بنات وحال التعب معاكم

الله يسهل على الجميع

اناولدت ولله الحمد يوم السبت تاريخ /29/6/1431ه

رح احكي لكم القصـــه

صحيت الصباح 9 ونص لأني حسيت بألم بسيط وحسيت بنقزه في عنق الرحم وشكيت ان الكيس راح ينفتح لاني مجربه كذا مره يفتح الكيس معي

المهم في اثناء هذا الشعور جلست ادعي ربي ان احساسي يصدق عشان ارتاح من التعب والثقل

وبقيت على السرير دقائق جالسه افكروافكرهل راح اولد والف فكره وفكره المهم تحرك شوي والا اشوف بلاوي تحتي الكيس انفتح وقمت بسرعه الحمام لأني بهدلت السرير والفرش مالحقت احط شيء المهم من فرحتي اني راح افتك قلت يمكن مو الكيس يمكن محصوره ومن الضغط عملتها على نفسي بدون مااحس لكن الكميه اكدت لي انه الكيس ومعاه دم فـ عرفت انها تباشير ولاده صحيح اني مرعوبه ورايحه فيها بس ابي ارتاح والولاده وراي وراي المهم .جهزت لي ملابس على اساس اتروش لاني سمعت ان اللي تغتسل اذا بتولد قربه لوجه الله تتسهل ولادتها وانااغتسل اتعصر الم الألم يزيد علي ضربات قويه بظهري وبعد ماخلصت رحت غرفتي وزوجي شاف شكلي مقلوب وجهي احمر ومتغير قال شفيك قلت له السالفه وصارت نظراته لي غير وقال قومي اوديك بسرعه المشفى قلت لا بروح بعد صلاة الظهر قال شكلك مراح تطولين تعبانه قلت لا المهم رحت غرفتي اتألم لوحدي اخذت المصحف وقريت سورة مريم والزلزله ودعيت كم دعاء مسهلات للولاده وزوجي كل شوي يدخل علي ويشوفني حاطه راسي على السرير وتعصر من الألم اذا راحت الطلقه اقراء دعاء واذا جات حطيت الكتاب وبعدهااكمل وهكذا .وصارت الصلاة وبالموت صليت وحاولت استعدبدون مااحد يشوفني من عيالي اخاف عليهم يحاتوني
وبعدها زوجي اخذ شنطتي واغراضي واوراقي اللي تخص مراحل حملي وركبنا السياره والألم في ازدياد احاول امسك نفسي لكن ماقدرت وصوتي بدى يطلع من الألم وزوجي يحاول يسرع خايف اولد عليه في السياره
المهم وصلنا المشفى ودخلت على الاسعاف وبلغتهم عن اني كملت التاسع والكيس فتح عندي من الصباح
وعلى طول كشفت الدكتوره وشافت 2 سم مفتوح الرحم بيني وبينكم تحطمت كل الألم اللي جاني بالبيت وتصبرت عليه ويقولون 2 بس قمة الاحباط
المهم قالت الدكتوره خلاص راح نصعدك فوق قسم الولاده وعطتني ملابس ولبست وعطيتهم اغراضي جوالي وملابس البيبي وملابسي وحطوهم باالامانات.ونمت على السرير وغطوني وصعدوني فوق وانا ارتجف خوف والم.وبعد ماوصلت فوق جات كشفت الدكتوره المختصه لولادتي وشافت الرحم مفتوح 4سم.وفرحت وبدى الأمل عندي يزيد واقول في قلبي يالله هانت كلها ساعه او ساعتين بالكثير وتكون بنتي في حظني.وهذا الكلام كان الساعه 1 الظهر
صارت والساعه 2 والمي يزيد ويزيد فوق ماتتصورون وجات الدكتوره تكشف وشافت الرحم فتح 6 فرحت قلت ياسلام الحين قربت اولد والالم يزيد ويزيد وانا بديت اتعب وطاقتي تتلاشى صارت اطرافي وجسمي كله يرتجف مو متحمله الالم خلاص
وصوتي بدى يرتفع من زود الالم.وجاتني الدكتوره قالت شنو حاسه تحسين في شيء بيطلع قلت لها اي خلاص مو قادره دكتوره وكشفت على الرحم وقالت الرحم تسكر بديت ابكي وفقدت الأمل وقالت معليش حبيبتي راح نحط لك طلق صناعي انتي تعبتي كثير من 12 وانتي تتألمين وكان كلامها الساعه 4 العصر
وحطت لي طلق صناعي بالوريد والألم تزايد وتقارب وبديت اصارخ الم فضيع لا يحتمل ظهري احسه بينكسر من زود الالم
المهم جات كشفت علي الساعه 5 وشافته مفتوح 8 وقلت لها حرام عليكم مافيني اتحمل شوفوا لكم حل تعبت خلاص .قالت الدكتوره راح اساعدك لا تخافين كانت طيبه ومتعاونه كثير.قالت راح اكشفت عليك مره ثانيه واذا جاك طلق ادفعي وراح اساعدك وفعلاً اثناء ماهي تكشف جات الطلقه ودخلت يدها تحاوول تمسك البيبي وفعلاً مسكت الراس وقالت يالله شدي انا اشوف الراس شدي بقوه وحاولت حاولت وفلت الراس من يدها وانااصارخ
وقالت معليش اذا جات الطلقه شدي معانا بقوه وجات الطلقه وتقول شدي وحاولت حاولت ومسكت الراس وتحرك البيبي وارتفع واستمر الحال 3 مرات يمر البيبي من عنق الرحم وتمسك الدكتوره الراس والبيبي يتحرك ويرتفع
وبعدها صوتي زاد واصبحت اصارخ حرام عليكم ساعدوني انا مو قادره اتحمل بموت وهذا الكلام الساعه 7 وانا ابكي وابكي واقول انا اعاني من الصباح 9 والآن 7 ومو جايه اولد مافيني طاقه مااتحمل وقالت لي الدكتوره .
البيبي ارتفع واعترض اصبح الراس فوق وقالت مافي عندنا الا خيارين راح نجرب والله يعين قلت لهاا تصرفي المهم اني اولد انا مو افقه على اي شيء
وقالت راح نستخدم الشفط للبيبي راح نشفطه واذا مانفع وماطلع ماعندنا الا نعمل لك عمليه .
المهم جابت اداة الشفط ويارب ماتجربونه
جاتني الطلقه والدكتوره فتحت رجليني وقالت شدي بأقوى ماعندك ساعدي نفسك عشان ترتاحي
وحاولت اشد بقد مااقدر وشفطوا البيبي والألم الله لا يراويكم غريب شعور لا يوصف وكأنها شفطت كل اعضاء جسمي كأنها سحبت احشائي وقلبي وكأن البيبي نزل بالعرض مو من الراس من شدة الألم .والحمدلله طلعت احلى واجمل طفله بالعالم بالنسبه لي << القرد بعين امه غزال ههههه . تخيلواولدتها الساعه 8 ونص بالليل والكيس كان فاتح معي من 9 الصباح ..لكن الحمدلله / وكان كل همي اتطمن على بنتي اذا ماجاها شيء من اثر الشفط لاني سمعت عنه انه له اثا جانبيه
وكان صوتي مختفي لكن احاول انادي الدكتوره دكتوره طمنوني على بنتي اشوفها قالت بعدين خلينا نطمن عليهاا
واقول لها وريني اياهاا مااتحمل طمنوني عليهاا الله يخليكم وقالت طيب وعطوني مخدر وبديت احس اني كأني نايمه وقالت راح نطلع المشيمه لا تخافين وحتى المشيمه طلعوها بصعوبه الله لا يبلاكم وقالت راح اعطيك ابره وشفتها بيدها وانا من اثر الهلوسه والتعب بديت اخرف وقلت لهاا مابي طلق صناعي مابي وانااصارخ واصبحت الدكتوره تضحك وتقول شفيك انتي ولدتي خلاص مو محتاجه طلق صناعي واقول كذابه شفت ا لابره وتضحك وتضحك المهم قالت هذا بنج على اساس اخيط وترتاحين وتروحين الغرفه تنامين
وفعلاً عطتني الابره وماحسيت نهائي بالخياطه وخلصتني ونزلت رجولي وغطتني وقالت مبروك والحمدلله على السلامه وطبعاُ بنتي حطوها بحضني لكن ماحسيت وماشفتها بسبب المخدر
وهذي قصتي انا عارفه اني طولت عليكم لكن حبيت تعرفونهاا