عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صياااااح الخير
اخباااااركم كروووشات
انا ولدت 💡 😥 😡 يوم الاحد 10101431هـ
وجبت بنوووته تهبببببببببل اسم الله عليها
بس باقي ماسميتها
مالقيت اسم حلو 👿
المهم مابي اطول عليكم بدخل بالاكشن على طول
اللي تخاف تغمض عيونها واللي ماتخاف تقوم تجيب الفشار والمكسرات
وكل العصيرات اللي بالمطبخ
>>>>ناوية تقول القصة بالتفصيل الممل جداً جداً جداً
انا حكايتي بدأت يوم 24 رمضان لما رحت موعدي وقالت لي الدكتورة
ان عندي تكلس بالمشيمة ولازم اولد قبل موعدي بطلق صناعي 😥
وطلبت مني انتبة لحركة الجنين واعدها
ومن وقتها وانا عايشة بخوف وقلق خوفي على الجنين وخوفي من الطلق الصناعي
ومتردده اروح والا ما اروح اخر شي قررت اني ما اروح
ولا اخذ طلق صناعي الين يجي موعد ولادتي
وصرت اروح كل يومين او ثلاثة اسوي سونار وتخطيط واتطمن على الجنين
ويوم الثلاثاء 510 رحت ويوم سوو لي تخطيط قالوا معك طلق لازم كشف
علشان نتاكد الرحم مفتوح والا لا…. انا صرت كذا:P
شلون طلق وانا ماني حاسة بأي شي ولا فيني اي الم؟؟؟؟
المهم اني فرحت وخليتها تكشف
((ياحليلي مادريت وشو الكشف))
ويوم كشفت قالت الرحم مفتوح واحد سانتي والطلق خفيف ومافي ولادة الحين
طلعت من عندهم وانا طايرة من الفرح بالواحد سانتي ورجعت البيت وبعد ساعتين تقريباً
نزل مني شوية موية قلت مو مشكلةاكيد انه طبيعي وطنشت وبعد ساعتين نزل مني مويه
مره ثانيه وصارت تنزل كل شوي وصرت البس كوكتس لان كل مالها تزيد المويه وقلت شكلها ولادة
واول ماطلع الصبح يوم الاربعاء 610 طيرااان عالمستشفى سووا لي سونار وتخطيط وقالوا مافي ولادة
والموية مو ناقصة روحي وتعالي يوم السبت نسوي تخطيط مرة ثانية ونشوف
رجعت البيت بشنطتي ونفسي براس خشمي:(
خلاص طفشت ابي اولد 😥
ويوم رجعت البيت والموية تزيد بس طنشت قلت ماني رايحة
اكيد لو رحت بيقولون مافي ولادة وارجع مثل مارحت
مر يوم الاربعاء ويوم الخميس بسلام ويوم الجمعة صارت الموية تنزل بكثثثثرة
بصراحة خفت عالبيبي ورحت المستشفى وكالعادة تخطيط وسونار
وهالمرة قالوا ان موية الجنين ناقصة ولازم نحافظ عالموية الباقية ومنعوني من الحركة
وكشفت الدكتورة لقت الرحم مقفل وراجع لورى على قولتها يعني مطولة الولادة
قممممممممممممة الاحباط
رجعت البيت عالساعة تسعة تعشيت ونمت
وعالساعه 3 الفجر جاني مغص صجاني من النوم قمت وفتحت التلفزيون وجلست اتابع فيلم
نص ساعة ورجع نفس المغص وكمان نص ساعه ورجع المغص
وعالساعة 5 الفجر صار المغص كل عشر دقايق
ويوم حسيته منتظم عرفت انه طلق وجاني خوف مو طبيعي وجلست اكذب نفسي
واحاول انشغل بأي شي عن المغص واصبر نفسي واتحمل وماعلمت ولا احد
وصبرت الين الساعة 2 الظهر صار الالم اقوى وامي لاحظت علي وعرفت واصرت اني اروخ المستشفى
قمت وقتها تسبحت واستشورت وشقرت وطلعت ملابس البيبي كويتها وعطرتها
>>>>>>قمممممة الروقان
وامي
على اعصابها كأنها هي اللي بتولد
بصرااحة الي كان فيني مو روقان بس كنت اماطل مابي اروح المستشفى من الخوف
وعالساعة 7 المغرب ماعاد قدرت اتحمل الالم وصار يجي كل خمس دقايق
وقتها قلت خلاص بدأ الجد لازم اروح توكلت على الله ورحت
كشفت الدكتورة قالت الرحم مفتوح 3 سانتي مارح تولدين الا بكرة 😆 hy:
طبعاً مايحتاج اوصف لكم النفسية وقتها
قلت خلاص بروح وبجيكم بكرةقالت طيب بس لازم نسوي لك تخطيط علشان نتطمن عالجنين
سويت التخطيط شافتة الدكتورة قالت الطلق مرره قوي مانقدر نطلعك رح تولدين خلال 5 ساعات
وهنا بدأ الأكشن
وبدأ الطلق يشتد بس مو مره يعني كان المة محتمل وكل نص ساعة تقريباً يفتح سانتي
وكان الالم محتمل لحد 7 سانتي بعدهااااا واااااو<<<بدأ الصراخ
وعالساعة 11 صار عشرة سانتي وبدأت الولادة بس انا كنت مررره تعبانه ومن الفجر ما اكلت ولا شي
وطاقتي كلها راحت بالصراخ والدكتورة تقول ادفعي وانا ماني قادرة واترجاهم يسوون لي عملية
ونبض الجنين صار يضعف اكثر وقالوا خلاص عملية واستدعوا الاستشاري
جاء الاستشاري وشاف الوضع قال مايحتاج عملية لازم تدفعين وانا اقول له ماقدر ابي عملية وهو رافض
وقال الا تقدرين خلاص الرحم صار عشرة سانتي والراس صار واضح ليش العملية
وصار يخوفني يقول لو مادفعتي ترى الجنين بيموت لان نبضة ضعيف وقتها خفت وحاولت ادفع بكل قوتي
واكتم صراخي والدكتورة وممرضة معاها يضغطون على بطني من فوق
وطلعت احلى بنوته بالدنياالساعة 12 تمام 
وبدأت المعاناة الثانية الخياااااااطة
حطولي ثلاث ابر مخدر والمنطقة مو راضية تتخدر وخيطوني بدون تخدير
حسيت كأنهم يخيطون في قلبي
من الالم وطلعت من غرفة الولادة على غرفة الملاحظة لأنه كان معي نزيف
وجلست بالملاحظة لليوم الثاني الساعة 2 الظهر
وطلعت من المستشفى يوم الثلاثاء 12101431هـ
ومعاي احلى بنوته بالدنيا كلها
وتوتة توتة خلصت الحدووتة
نصيحتي لكل وحدة على وجة ولادة
1-البواسير لازم تعالجينها قبل الولادة علشان وقت الولادة ماتتعبك مرة
2-الالتهابات لااااازم ومهم وضروري اللي عندها اي التهابات تعالجها قبل الولادة
لانها ممكن تنتقل للجنين ولو ما انتقلت له رح تأثر على الخياطة بعد الولادة
وتسبب لك التهابات وآلآم انتي مو ناقصتها
3-الاكل مهم مرررة لما تروحين للولادة تكونين آكلة زين ونايمة زين
علشان يكون عندك طاقة وماتتعبين بالولادة
3-الصراااااااااخ اياني واياك تصااارخين لانه هو اللي يستنزف طاقتك
حاولي قد ماتقدرين تصبرين نفسك ووقت الطلقة ادعي واستغفري
وتذكري ان كل طلقة تقربك اكثر لاحلى لحظة بحياتك
وهي اللحظة اللي بتشوفين فيها ضناك بين يديك
4-احتسبي الاجر واكثري من الدعاء لأن الدعاء بهاللحظة مستجاب
يااارب تستفيدون من قصة ولادتي
الله يسهل عليكم ويقومكم بالسلامة
