عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
خواتي الفراشات:0150:
انا ولدت لي اسبوعين الحين ،،، ومن اول ماولدت ماكان ينزل علي دم كثير ،،، مره خفيف
وبصراحه انا ماخذ هالسوالف اللي تاخذها النفاس ،،، اخذتها اول كم يوم وبعدين خلاص ماصرت اخذ شي بس كم مره شربت قرفة وعادي ماصار شي
ابغاكم بليز تقولون لي هل هاذا طبيعي ،، وهل لازم اشرب هالسوالف اللي تنزل الدم؟؟؟
بليز اللي صار معاها كذا تقولي لان الدم يجيني بني وقليل مره يعني وانتو بكرامه الفوطه لو اغيرها بس مره باليوم عادي ،، طبعا يمكن بس مره او مرتين نزل معاي قطعه بس
وعندي سؤال ثاني عن الخيوط ،، نفس الشي من ولدت ماحس بشي بس احس بحكه ؟ واحس شوي بشد لما اجي اجلس متربعه ؟؟ هل هاذا طبيعي
وبالنسبه للغسول (المُرة و اللبان) اغسل كل ماروح الحمام ،،، احسه مايفيد لاني بس اغسل فيه بعدين انشفه ،،ن واحط منه شوي على الفوطه صح اللي اسويه والا غلط
وكل ماتروش اسوي لي منقول الملح الفارسي مع المُره واجلس فيه يمكن لخمس دقايق ،، صح اللي اسويه والا غلط ،، وكم مره تبخرت بنواة التمر
الله يعطيكم العافيه ،،، هل هاذا صح اللي اسويه ؟ والا كله غلط ،،،
شكرا لكم حبيباتي:0150:
