ولدت الحمد لله و كانت تجربتي حلوه الحمد لله

السلام عليكم
كيفكم يا كروشااااااااااااااات ,, الله يهون عليكم 😆 idea:
شوفوا طال عمركم انا بحملي تعبت كان معي نزيف في بدايته و كنت ما اطلع من بيتي ابد و دايم على ظهري الى الشهر السادس ,, الله يعظم اجري

المهم كنت اراجع في مستوصف في الرياض دكتورته مثل العسل تفرحك اذا سويتي عندها سونار تجلس تشرح لك كل شي على الشاشه عن البيبي ,, وهذا اللي كان يهون علي تعبي,,

المهم مع نهاية الثامن قاست ضغطي و قالت منخفض ,, وبعد اسبوع رحت للحمادي عند دكتوره دعد
وقالت لي الضغط مرتفع
(يعني بدى ضغطي يلعب فيني)

ومر اسبوع اسبوعين وكل مره تقول مرتفع ,,
وفي الاسبوع 38 قاست ضغطي و قالت ابيك تجين بكره ضروري 😀 وطبععا قاست عنق الرحم و مو مفتوح وراس البيبي للحين ما نزل الحوض

انا قرصني قلبي وقلت وش تبي فيني بكره الصبح؟؟؟
المهم صحيت من النوم انا وزوجي 😎
زوجي راح لدوامه وانا رحت مع السواق للمستشفى ,,,
قلت للرسبشن عندي موعد مع دكتوره دعد 😐
قال لي الدكتوره فوق عندها اليوم كله عمليااااااااات 😎
ها ها ها قرصني قلبي مره ثاني قلت لايكون بتصفني معهم عمليه 😆 🙂
رحت للسستر حقتها واخذت منها موعد لبعد بكره
وبدى البيبي تقل حركته وانا شايله هم ؟؟
قلت شسالفته لايكون بدى يتاثر من ضغطي:(
بالعاده البيبي هو اللي يرفس فيني الصبح ويصحيني من النوم
كنت نايمه وانتظر يصحيني ولا صحاني ,, صحيت و سويت قهوتي وجلست انتظر وانتظر وما فيه استجابه
احط يدي على بطني لانه يرفس اذا حطيتها وماااااااااااااااا فيه
تمر كم ساعه وانا قلبي طااااااايح 🙂
شوي الا يرفس الفرخ ,, وعيوني تغوووورق دموع الفرحه 😆 hy: ,, لمست بطني وجلست اهاوشه 😉
المهم
جاء موعدي و رحت انا وزوجي ,, ودخلنا على الدكتوره قاست الضغط و قام يتلون وجها ,, قلت لها كويس ؟ قالت ايه
وسدحتني وسكرت الستاره و جلست تسولف مع زوجي 😀
وبعدين جتني و قاست الرحم ومو مفتوح
وبعدين جلست و قالت شرايك نعطيك طلق صناعي ؟؟؟
انا بوقتها كنت مشتاقه لفرخي ,, وقلت لزوجي شرايك؟؟؟ يعني بشوف جنيني خلال يوم 😈
اكبر همي اني اشوف جنيني ,,,
قلت اوكي بس ابي اروح للبيت اتروش واجهز نفسي ,, انقلب وجهها ( تحسبني ابهرب ) ههههههاي
قالت لا مو لازم المهم رحنا و سوى زوجي الاجرائات ,, ورقينا للدور الثالث 😆
وكانت نفسيتي عاااااااااااااااااااااااال هههههههههههههههه 💡
ما كأني بولد الحين 😐
المهم دخلوني قسم و جهزوني و دخلوني غرفه غريبه قلت للسستر هذي اللي بولد فيها؟؟ قالت ايه ,, استغربت ما لقيت حق اللي يرفع الرجلين
<<<< على نياتها
وتشوفني المسؤوله عن القسم لانها كانت جالسه عندي
تقول لزوجي اول مره اشوف وحده مثل زوجتك مبسوطه و ما تبكي ولا شيي خخخخ
<< قويه 😆
المهم دخلت علي الدكتوره و مسكت يدي و قالت ,, حبيبتي احنا بنسوي لك عمليه 💡
<<< وش ردت فعلها
انبسطتتتتت وقلت والللللللللللللللللللللللله 😡
شكل الدكتوره انصدمت خخخخخ
قلت اوكي وناسه يعني ما فيه طلق
وراحت للغرفه و قلت لزوجي متفق مع الدكتوره يا خاين هاه؟؟؟؟؟؟ ثبرك بعد ما اولد 😆 🙄
واثاريهم يوم اني مسدوحه بالسرير وقت المراجعه يوم كانوا يتكلمون كانوا يتفقون على المجزره وانا اخر من يعلم 😆 🙂
رحت لغرفة العمليات و بدو يصبغون بطني و جابو الكمام الاسود و حطوه فوق راسي ,, وكنت اقول اشهد ان لا اله الا الله وان محمد رسول الله ,, ودخلت في نووووووووومه عميقه
وبعدين جابو كمام ابيض علشان افيق ,, يووووووووووووه هذيك اللحظه كل ما اذكرها ابكي 🙂
وبديت افيق عيوني مقدر اتحكم فيها ابي افتحها و احسس بثقلللللل
داااايخه بس ابي اتطمن على جنيني
كانت فيه سستر قلت لها كيف البيبي ؟؟؟؟ قالت في النرسري ,, فرحت و نمت شوي ,, بعدين قلت خل اقوم علشان اروح اشوفه مشتااااااااقه له 😉 😆 🙄
ودوني لغرفتي ولقيت امي وزوجي ينتظروني 😥
سلمت عليهم و قلت لهم جيبوا ولي العهد ابي اشوفه
جابوه ويا حيااااااااااااتي يالله يصيح لانه صغير كيلو وتسعميه جرام ,,,يكسر الخاااااااطر حياتي ضميته وبوسته و خذته النيرس
هذيك اللحظه حسيت اني ملكت الدنيا بكبرها الله يخليه لي ويخلي ابوه

وبسسسسسس
صراحه ولادتي بالحمادي كانت تجربه ممتعه خصوصا مع دكتوره دعد الله يعافيها ,, طيوبه و حنووووونه وكل شي
ونسيت اقول لكم من الاسباب اللي خلتها تسوي لي عمليه لاني انا فيني نقس في الكريات الدم البيضاء اللي تتحكم بالنزيف وخافت علي لو اولد طبيعي وش يوقف النزيف و كانت بتصير خطوره على حياتي ,,
وعلشان الضغط مرتفع ,, وحلشان الحوض عندي ضيق ,,,
الحمد لله على كل حال
ادعوا ان الله يخلي لي ولدي و ابوه 🙁