ولادتي في الغربة

بسم الله الرحمن الرحيم…والحمدالله الذي بنعمته تتم النعم واحمد الله واشكر فضله اللي قومني بالسلامة ورزقني الطفل السليم المعافى والله يرزرقني بره هو واخته ويعيني على تربيتهم ..
المهم يالغوالي ما اطول عليكم ومثل ماوعدتكم بقصة ولادتي وكيف كانت في الغربة …مثل مابين من اسمي انا عايشة هالفترة في لبنان ومن حملت وانا شايلةهم بنتي اكثر من نفسي وخوف الولادة ما ادري وين بتكون وقت الولادة ومع مين ماعندي احد احطها عندها وهي توها ماكملت سنتين يعني يبيلها احد يهتم فيها …وطول هالفترة وانا ادعي ربي يسر ولادتي وماتطول ويرزقني بالدكتورة الطيبة اللي تخاف الله فيني وسبحان الله قبل ولادتي باسبوعين غيرت الدكتورة اللي كانت اتابع معها من جيت لان سمعت عنها كلام ماريحني وكانت تقول لي لسى مادخلتي شهرك عاد انا وسعت صدري ولما رحت لدكتورة ثانية قالتلي لالالالا دخلتي شهرك ومنتصفة بعد يعني احتمال الولادة وارد لانك مو بكرية وطلبت تفحصني يعني تتاكد من وضع الرحم وانا من الروعة رفضت اخاف تتفتح الرحم وانا لسى ماستعديت ولا لقيت خادمة تكون عندي هالفترة قالت خلاص بعد العيد تجين وافحصك قلت تم ….وبما ان العشر ذوالحجة دخلت قررت اصوم على اساس ولادتي مطولة ومتوقعة اني بعوشر مثل الكثير وكنت كل ما افطر ادعي ربي يهون علي ويسر امري وسبحانة الله ليلة عرفة مقررة طبعا ابصوم وزوجي بيصوم وبيعزم واحد من ربعة على الفطور ….وهنا كانت المفاجأة تعشيت ولما جت الساعة 12بالليل نومت بنتي ورحت انا م مع اني احس بطلوق خفيفة نفس اللي كانت معي من دخلت الثامن ماهتميت وعجزت انام وبدات تشد علي الطلوق قمت تروشت على الساعة 2بالليل لان كان فيه……..ووركزت على اسفل ظهري بالموية الساخنةوطلعت وواستشورت شعري ➡ لان ودي انام بس الطلوق والمغص مسكوني شوي بالحمام وشوي ادور بالصالة وبدتني الرجفة قلت هذا وقتها بيشرف البيبي قبل العيد ورحنا للمستشفى على اساس اتا كد ولادة ولا اي ايش لان مانزل معي شي ويوم دخلت سألت وش تحسين وشو نزل معك شي قلت احس بالطلوق منتظمة كل عشر دقايق ومغص ركبت جهاز التخطيط عشان يتاكدون من انتظام الطلق وبعدين الفحص يعني جينهم على الساعة اربع الفجر وياعمري على بنتي شلنها معنا بطانيتها وحست نومتها ولما جت الساعة اربع ونص جت وفحصت وقالت مفتوح 2سم اذا بدك تروحي وترجعين بس ما انصحك اذا موبكرية يمكن تولدين بسرعة وماتلحقين توصلين اتكلت على الله وسوينا دخول وشوي ودخلتني غرفة الولادة كانت بصراحة مريحة كبيرة سألته عن القبلة لانو اذن الفجر وقمت وصليت ودعيت ربي ان يفرجها علي من عنده وماتطول عشان بنتي …وشوي وجت النيرس وركبت الجهاز التخطيط بصراحة مزعج الجهاز ماتقدرين تحركين منه الطلق يروح ويجي ولا اقدر اتحرك منه والرجفة تزيد معي من البرد ولى من الخوف ما ادري وبعدين جت النيرس تسأل اسئلة ما ادري وشتبي مومثل ربعنا ينطلونك ويروحون بالعكس تهديني وتمسك يدي يوم جت تفحصني مرة ثانية وقلت فتح 4سم واتوقع يزيد بنكلم الدكتورة عشان تجي وسالت اذا ابغى ابرة الظهر طبعا ماشية عندهم مثل البندول وانا الخوافة رفضت وشوي جت الدكتورة وتسلم علي وانا مو لمها وفحصتني ونزلت الموية وقالت مفتوح 7سم واحسها حرضت شوي لان الم زاد وطلبت مسكن وماعندهم غير اللي بالوريد وانا اصيح بالصوت وشوي اردد اللي اذكره من اذكار الولادة وشوي وجت وقالت فت8سم يالله بنولدك وجهزوني فتحوا السرير وغطت رجولي زين وابدي بو بوشش يعني ادفعي وانا ادفع عجزت اطلعه ولمل جت الطلقة الثالثة القوية خلاص فررت انا ادفع وابقوى ماعندي ومن الحماس اعد معهم 123واكتمي نفسك وتطلع وحدة من النيرس فوق كرسي وتضغط بيدها على بطني عشان تساعد البيبي على الخروج والحمدالله طلع بالسلامة وبغيت اموت من طلعته وبقيت المهمة الأصعب المشيمة ويجي الطلق مرة ثانية وبوش ثاني والحمدالله طلعت وحمدت ربي وشكرته اللي خلصني وكنت ادعي وقت الطلق انه ماتجي الساعة8 الاوانا والدة والحمدالله استجاب ربي لدعوتي وبعدين دخلت عالم ثاني من المسكن ماعاد احس بأحد حولي الدكتورة تخيط والنيرس داخلين طالعين وشفت البيبي شوي وطلبت منهم يطلعونه لابوه عشان يشوفه ولما خلصت الدكتورةمني دخل زوجي وبنتي علي بس ماقدرت اتكلم معهم من اثر المنوم ورحت في غفوت شوي معهم وشوي دنيا ثانية ولما جت الساعة 11حسيت اني بديت اصحح وطليت منهم ينقلوني لغرفتي وقالت لان نتاكد ان المسكن راح مفعولة استني كمان ساعة ولين تدخلين الحمام ونتاكد ان المثانة سليمة ماتضررت وبعد ساعة جوا ثنتين ودوني للحمام وتروشت ولبست وطلعوني لغرفتي وانا في السيب اسمع بنتي تصيح قطعت قلبي ولما شفتها وحضنتها سويت فلم هندي انا وياه وكلمت اهلي وكملنا الفلم الهندي غربة وولادة وطفلين والحمدالله على كل حال واليوم كملت 15يوم واستنى زوجي تبدأ اجازته بعد اسبوعين عشان ارجع لاهلي بسرعة خلاص تعبت لي ست شهور ماشفتهم والله اني اكتب ودموعي توقفني 😳 😉 بس من جد تجربة صعبة وحلوة نفس الوقت الله يرزق كل حامل ولادة ميسرة وهينة يارب ومثل ماستفدت من تجاربكم حبيت افيدكم من تجربتي وكيف كانت وانصحكم بالدعاء والاستغفار واتكلي على الله وربي يسرها من عنده سبحانه وتعالى…………….وبس:)