عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
شخباركم ياحلوات؟!
انا كنت ادخل فترة حملي ادور على مستشفيات
ودكاتره واشوف تجارب اللي ولدن ..:P
وصراحه استفدت كثير
عشان كذا قلت اول ما اولد بروح واكتب اي شي اعرفه
انا الحين صار لي 3 اسابيع والده
وجبت بنت زي القمر ➡
كنت اراجع عند دكتوره سعاد في مستشفى الكيسائي
بحي الريان -المراجعه عندها بـ 70 والسونار بـ 150
والسونار الملون بـ 250 والتحاليل تختلف حسب النوعيه-
هي سوريه ومحترمه وكثير مريحه يعني طول وقتها تذكر الله
تولد في عدت مستشفيات -الحمادي-السعودي البريطاني<<ممكن تبطل منه
المشاري-الهلال الاخضر<<هذا اللي اذكره
بس دايما زحمه عندها
انا ولدت في المستشفى السعودي البريطاني
-مرتب ونظيف وخدمتهم كويسه بس فيه بعض العيوب-
اول مادخلت عندهم رحت للريسبشن وقلت لهم حالة ولاده
خلوني ساعه واقفه ياخذون معلوماتي مع انه لي ملف عندهم 😐
بس الموظفات مايدرون وين ربي حاطهم شغلتهم مناظر الرجال
والمغازل قمت قلة الحيا<<الاستقبال فقط.. 😆 hy:
بعدها ودوني غرفة الولاده وكانت القابله مغربيه صراحه قمه في الادب
والاحترام ومره مريحه وطول الوقت تسولف وتضحك معاي عشان تهديني
وشوي جت قابله ثانيه معاها بعد مغربيه واحسن من الاولى في الذوق
قعدت تقريا من الساعه 7 الى 11 بعدين جت دكتورتي وكشفت مافتح الا 2 سانتي
مع انه مركب طلق صناعي من اول مادخلت
يوم صارت الساعه 12 فتح 3 سانتي بعدين الساعه 1 فتح 5 سانتي
يوم صارت 1.45 ولدت
الدكتوره جت فحصت علي الساعه 11 وقعدت تقرا علي وتذكرني بالادعيه
بعدين طلعت وجات الساعه 12 بعدين الساعه 1 وكل ماتدخل تقعد تقرا علي
وتشجعني وان كل شي اوكي وريحي بالك ومن هالكلام…
الولاده كانت سهله ولله الحمد ماتعبني غير الطلق الصناعي 💡
بس الحمد لله على كل حال
طبعا انا اخذت عندهم جناح الاميره 4 وكان مره حلو ووسيع صدر
الممرضات مره كويسات وطول الوقت فوق راسك بس عيبهم في
الحضانه لما ياخذون البيبي ونطلبه منهم يقعدون سنه مايجيبوه والصبابه
ماتجيك الا بطلعت الروح..
نجي للاسعار:
لما كلمت الدكتوره وسالتها عن الاسعار وانا بالتاسع
قالت ب 5 الاف يوم ولدت وخلصت طلع 7 الاف كيف؟
الدكتوره اخذت لحالها 3 الاف <<حرام صراحه 😆 🙄
والمستشفى 4 الاف طبعا كان جناح وقعدت يوم زياده
يحسبون لك من يوم تدخلي المستشفى
مو من بعد الوالده يعني ان دخلت الساعه 7 حسبوها لي
الين 7 من بكرى
واي شي يحسبونه عليك يعني تخيلوا الحبوب المسكنه اكلت حبه بالمستشفى
وعطوني العلبه الباقيه معاي
والمضاد الحيوي – المناديل المعطره حقت البيبي – الغسول -كريم للخياطه
-رضاعات الحليب
نسيت اقول بعد انهم اول ماتولدين مايجيون البيبي لك لا ياخذونه يروشونه
ويلبسونه ويرضعون بعدين يجيبونه انا كان نفسي على طول اخذها وارضعها
كمان يحسبون عليك القطره اللي يقطرونها بعين البيبي يعني اي نقاشه تاخذينها
منهم يحسبونها عليك ويعطونك باقي العلبه او الحبوب او الكريم
الخدمات تبع الاجنحه:
ممرضه طول 24 ساعه
كوفيره تعمل لك مكياج واستشوار بعد الولاده بيوم
مساج
درع فيه صورة البيبي <<للحين ما استلمته
سرير للمرافق +الوجبات
صبابه+شاهي وقهوه<<خدمتها مو كويسه ابدا
شاشه تشوفين فيها البيبي اذا كان بالحضانه
هذا اللي اذكره الحين
اتمنى اني فدتكم ولو بشي بسيط
واي سؤال او استفسار انا جاهزه
ومابي منكم الا الدعاء لي ولامي وبنتي وزوجي<<العايله كلها 😈
