.. ولادتي بحمودي.. اكشن ولا اروع .. ادخلو واضحكوا ع التقدم الطبي

ولدة يوم الثلاثاء 1-5 ،، وكنت لي يومين بالعاشر ومن قبل كنت مقرره أذا كملت التاسع بسوي اي شي ينزل الجنين قبل لادخل العاشر لان ولادتي الاولى أخذت من العاشر 15 يوم وتعسرت معي وسوو سحب للجنين ( يازينها من سحب )) وانا ماشبعت منها زين ,, ونمت يوم صحت امي الساعه 6 لصلاه الفجر وانا احس بمعص خفيف قلت معقوله طلق ,, لا لا هذا المعص الي دايم يجيني ,, وصليت ونمت الا المغص بادي يزيد ويصحيني من النوم الساعه 7 ونص وبعدها ماشفت النوم امشي عشان يخف واذا زاد اوقف وامسك بطني وارجع لفراشي واحاول اتسلق ع الفراش واذا زاد انحني ولا اجلس واختي ,, ياحياتي ,, كانت نايمه عندي وحست فيني وتسألني تحسين بشي قلت البدايه لا وبعدها ايه ,,,, لان مافيه مجال اخبي اكثر من كذا وعقبها الضعيفه مانامت كنها تحس بالي احس فيه ،، واخير الساعه 10 ونص قررت اروح للمستشفى ،، قومت امي وقلت لها وراحت تصحي ابوي وانا رحت البس عباتي واجهز اغراضي ورحنا للمستشفى من الطواري الي علونا بالأجراءات وبعدها ع طول لغرفة الولاده والمغص يمسكني ثم يفكني ،، وكان الدكاتره عندهم قيصريه ،، وبعد ماطلعوا ع طول سوو كشف مهبلي وطل الرحم مفتوح 4 سم ويعطوني اونسلين ويرجع يكشف علي طلع مفتوح 6 ويرجع يكشف ع وحده ويطلع خلاص ولاده ويبدو يولدونها وتصيح وينزل البيبي ويبكي ويقولون لها الحمدلله ع السلامه ومبروك ،، لازم شفط ويجيبوا جهاز الشفط وحطوه ويوم حاولت ادفع مع الشفط وجهاز الشفط ينفك اهااا خلاص لازم عملية فكو رجولي الي كانت واصله للسماء لينها بالارض وركض لغرفت العمليات يجهزونها والممرضات ركض كان الجو متوتر نبض الجنين انخفض ,, وسحب لغرفة العمليات يجني الدكتور الجراحي ويسألني موافقه عمليه قلت ايه ايه ويختمون الاوراق ،، وهم يجهزون اختي تدق ع قسم الولاده وتسأل بكل عفويه ماتدري عن المعارك الي صايره داخل ،، فلانه ولدة قالت الممرضه وهي خايفه وكلامها سريع اختك بنسوي لها عمليه موافقين الحوض صغير وحجم الجنين كبير ونبضه ضعف ,, قالت موافقين موافقين ,,

دخلت غرفت العمليات ,, وطلب مني الدكتور طلب غريب شوي ،، لوسمحتي ممكن نفتح البطن قبل البنج نبي نلحق ع الجنين ,, قلت لاااااااا الطلق ذابحني عطوني بنج برتاااج قال )( تصطفلي )( مالت عليك يبي يفتح بطني وانا أشوفهم ،، ويننن تطور الطب مالت عليهم ،، المهم وحطوا البنج وانا انااااام وماحسيت بنفسي الا اسمع صوت اخوي يقول وين فلانه يسأل الممرضه الي تدفني ع السرير والممرضه ترفع البطانيه عن وجهي واخوي يكلمني يسألني يشوفي تأثير البنج علي يقول ،، وش جبتي ,, قلت ماأدري اسولوا الممرضات ،، قالن = ولد ولد وحطوني ع السرير النتومين وكنت تحت تأثير البنج ومره اصحى ومره اغفي لين الساعه 10 وبعدها بديت اصحى ،، وجلست 3 ايام بمستشفى وانا اللحين يوم الجمعه 4-5 ،، واكتب قصة ولادتي في الجوال عشان اذا طلعت السبت أن شاءالله ارسله ع الاب توب والصقه في منتدنا الحلوووو بتجمعه الدايم ,,