عالم البنات النسائي كل ما يخص المرأة العربية من ازياء وجمال والحياة الزوجية والمطبخ
نسوم تحييكم بعد مانامت القمر بنتي قلت يالله من زمان مادخلت النت كلش
المهم من زمان وانا ابقولكم عن تجربتي في مستشفى الحبيب ببريدة كنت اتابع مع الدكتورة سجيلا ماعليها وهادية وتعاملها زين بس عيبها انها عجلة علي تبي تولدن بدري ولاتعرف عربي لازم ترجمة
وبعدين بعز الشتاء صرت دايم حرانه علي طول مادري ليش وفي احد المراجعات شافت الممرضة الضغط وطلع مرتفع 150/95
وقالت عادي وبعد اسبوع بالمراجعت برضة صار170/100ثم حولتن علي دكتورة لبنانية استشارية اسمها هادية
وبصراحة اسم علي مسمى طبيبة تعرف شغلها سويت مراجعتين عندها وبعدها قالت لازم ننهي الحمل حتي لايصير انفصال بالمشيمة
فوافقت بعد استشارة مستشفي حكومي
والله ونومت بالمستشفي الحبيب صارت تعطين طلق صناعي بس كان خفيف والله عناية وراحة وممرضة علي راسي وانواع الدلال
وانا طلبت ابرة الظهر لاني والله تعبانة من الطلق والولادات فقلت خليني اجرب ولاتني ماجربت
قالوفية طبيب وطبيبة قلت لاابي حرمة ولايتني ماطلبتها والله ماتعرف كوعها من بوعها صارت تدخل البرة وتطلعها ماتعرف معين وتقول انت ماتساعدين وانا خلاص ظهري استوى
بالخير دخلتها وتسالني تحسين رجلينك تنمل اقولها لابس رجلي اليمين شوي والله لاتخدرت ولاشئ بس اخذو فلوس الابرة وانا انواع الالم مع انه مواول مرة اولد بس هذي الصعب ولادة والحمد لله علي كل حال
والله يوم صار الطلق حامي والم مايوصف ولاكاني اخذت ابرة وصرت ابكي واقول ليش احس بالالم وهم يقولون ادفعي وانا موقادرة من التعب لانه من الصبح الي الساعة عشر بالليل وانا طلق وتعب ولاكل ولاشرب
وبالخير استخدمت الدكتورة الجفد لسحب البيبي والله كانها سحبت عروق راسي معها بس لان نبض البيبي خلاص صار ضعيف
والحمد لله طلعت بنتي حبيبتي 
ثم سوت خياطة حلوة حتى بعد مارحت لبيتي راحة اقوم واقعد من غير مشاكل مثل اول وكانت الخياطة اول تعقددني بس الحمد لله هاذي المرة روووووعه
وسلامتكم
