ولادتي المميزه مدعمه بالصور

بسم الله الرحمن الرحيم
هلا وغلا بالكروشات والغير كروشات
حابه اقولكم قصة ولادتي باحلى لــمــار
من ليلة رمضان وانا ينزل مني دم وكنت حاسه انها ولاده وكلمت امي وقالت هذي ولاده واقعد ابكي وابكي وزوجي الله يحفظه يسكتني ويواسيني ويقولي الله يسهلك وتتعبي شوي وبعدين تنبسطي لمن تشوفيها وأنا ابكي أقوله أنا بأموووووووووووووووت وإنت مو حاس فيني ورحت للمستشفى وقالو مافيه غير دكتور يكشف عليك وانا لمن شفت الدكتور خفت وقلت لالالالالالا ابغى دكتوره
وجات الدكتوره وياليتها ماجات وكانت الأخلاق زي الزفت طبعا وكشفت علي من تحت وانا ماكنت اعرف انه يعور يوم حطت يدها صرخت صرخه مدويه وعصبت علي الدكتوره وقالت قومي ماعندك ولاده كأنها بتضارب 💡
وطلعت اجري من عندهم وفرحاااااانه وأقول لزوجي الحمدلله مافي ولاده:P
قعد يضحك وقال الحمدلله والشكر الحريم يدورون الولاده وانتي فرحانه انها مو ولاده
وصمت ثلاثة ايام رغم انه كان ينزل معاي دم
ومن اليوم الثالث في رمضان من الصبح وانا احس بمغص وهو يروح ويجي وانا كنت احسب اني متسممه ورحت المغرب وفطرت عند أمي ومن بعد المغرب وأنا ممغوصه مره
بس مابينت اني مره تعبانه كنت متحامله على نفسي
وذاك اليوم افطروا عندنا مرت خالي وبنت خالي 😆 🙂 وكل وحده كانت تحكيلي انواع الولادات اللي مرت فيها وكل وحده تحكي معاناتها من جهه وانا مرعوبه لأنهم يقول ان البكريه تطول أكثر من خمس ساعات ويزيد المغص معاي من الخلعه
وكل ماحسيت بمغص قربت مني صحن الرطب الين ماغلقته
ونمت وبعد ماصحيت جا زوجي ورحت امشي بالممشى حق الحوامل
ومو قادره امشي كل شوي احس اني باعملها بملابسي وانتو بكرامه
ورجعت بيتي وتروشت وقبل الفجر رحت عند امي
وعلى الساعه سبعه ونص حسيت الألم زاد علي وكلمت زوجي يوديني للمستشفى
وقال زوجي اجيب الشنطه معاي قلت لالالالالا ما معاي ولاده انا متسممه بس بآخذ دوا وارجع لك
قال طيب ورحت وأنا مبسووووووووطه وامزح على زوجي وأقوله تخيل لو يقولون ولاده قال لا ما اعتقد شكلك مو شكل وحده بتولد
ورحت وكشفت علي دكتوره اخلاقها ازفت من الزفت
قالت لي ايش تحسي قلت لها بكل براءه ممغوصه ولي كم ينزل معاي دم قالت يعني معاك طلق قلت ما ادري انا بكريه قالت بكريه بس امك او حماتك او اختك ما حكلتلك عن الطلق قلت لها الا بس الحكي مو زي احساسك انتي وعصبت علي وقالت طيب معاك افرازات قلت ايوه وعصبت وكاشت وارعبتني قالت الافرازات تجي حتى للبنت اللي ما تزوجت طيب انتي اللي سألتي وجع بشكلها الأخلاق ببلاش 😳
وبعد التهزيء كشفت علي وقالت معك ولاده الرحم مفتوووح اربعه سانتي
وانا اموت رعب وابكي وما في احد ما سمعني وانا اصيح واصيح وهي تقول جيبو عربيه عندها ولاده وانا اقول لالالالالالالالالالالالالالالا استنوا مي تجي قالت امك هنا قلت لالالالالا امي في البيت بس الله يخليكم استنوها تجي بعدين ولدوني;)
أدوني أوراق أديها زوجي يعبيها
وحطوني في الكرسي والعامله ودتني عند زوجي وأنا ابكي وزوجي يقولي ايش بك وأنا ابكي ومو قادره اتكلم قالي فيك شي قلت له لالالالالالالالالالالالالالالالا
عندي ولاده روح جيب امي والشنطه;)
وتفحط فيني العامله وتقول برايمي برايمي وانا ابكي وابكي ➡ 😆 hy:

بنتي تبكي اسكتها وارجع لكم