وظيفه بسيطه ودخل ولاموظف بشركه

قبل دخول رمضان رحت السوق
جات حرمه من لهجتها باين انها من دوله عربيه ثانيه
ماترتاحين لنظراتها وهي تشحذ .. طبعآ الامر هنا عاادي
وامس رحت لسوق مره ثانيه
جات لنا وحده تشحذ ثانيه غير عن الاوله
طبعآ كنت بسوق العليا فرينا السوق وطلعنا لسوق الاندلس
نكمل الاغراض..
جات لنا وحده تشحذ مره ثانيه انا معطتها ظهري
وماشفتها من الاساس لكن سمعت اخوي يرد بصوت
باين عليه التعصيب وهو يقول بنزره ( الله يرزقنا ويرزقتس)
طالعت فيها وهي تطلع من المحل وناظرت فيه قال:هذي اللي كانت في العليا نفسها هي
اللي تشحذ..
مااهتميت للامر ..ماحدتها الا ظروفها على مد يدها لشحذه
طلعنا من باب المحل مسكني اخوي وقال تعالي ..
طبعآ تلني بطريقه محترمه ودخلت معه محل الا ذيك الحرمه
اللي تسوم جلابيه ولا من الفخمات ..
ناظرت بالكيس اللي بيدها ..؟
وطلعت قلت هذي الشحاذه؟:P
قال : ايه
وقلته لامي ..
قالت زوجت اخوي تذكرون يوم نروح
قبل رمضان لسوق الحرمه اللي شحذتنا كانت معها اكياس
ولا مو شويه ..يعني لو صدق محتاجه ماكان لقينا معها ولاكيس ؟وتجمع الريال على الريال من الجوع والفقر..

هنا هل مد الكف والتوسل من اجل الحصول
على المال اصبح مهنه ؟
الى هذا الحد وصلت بنا الحال ؟

سمعت من فتره عن معلمه وجدت في احد
المراكز الكبرى لتسوق
تمد يدها للماره للحصول على المال حتى تقوم بتأثيث منزلها ؟؟
ايعقل ان تصل بنا الافكار الى هذا الوضع ؟
هل هو مرض ؟

بصراحه الحين صرت اشك في اللي
يمدون يدينهم هل للحاجه ام بدل للوظيفه اومرض

هناك اناس او عوائل رغم فقرهم وقلة حيلتهم الا انهم
يأبون مد اليد فاكرامتهم لاتسمح لهم ان يصبحو بهذا الذل
او الاهانه ..
انا لا احقر او اقلل من قدر المحتاج
لكن هناك من استهون بالامر فهذا الامر اصبح
يدر عليه المال بشكل يومي وقد يصل الى مبلغ
يفوق موظف دخله متوسط