عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلاااااااااااااااااااااام عليكم
وينكم يا كروشاااات ويا متأخرات
تعالوا رجعتلكم 😆 🙄 …
يا عمري انا كنت امس اودعكم مع كرشتي واقول خلاص ماراح اشوفهم الا بعد شهرين عالاقل
>>>> مصدقه بتصير نفاس
امس الفجررر ومثل ماقلتلكم رحت للمستشفى وكان الطلق ماسكني كل 10 دقايق
قلت بس ولاده
وكان الجوووو جناااان والشوارع فاضيه وزوجي شبعان نوم وطاريله يسولف ومروق عالاخر كأنه مقابل بحر وقت الغروب
واللي زايد وناسته اني بولد ويفتك مني ويشوف البيبي اللي احولت عيونه وهو يطالع فيه من ورى الكرشه
المهم …مااطول عليكم
يوم دخلت المستشفى وسأل زوجي عن قسم الولاده الا تجيني الممرضه بالكرسي طاااايره
مدام مدام انتي ولادة ارتاحي انا اطلعك فوق
قلت هاااا 😆 idea: لا خليني انا بمشي بروحي
قالت ليه مافيهدم ولا مويه
قلت لا
قالت ولا فيه الم
قلت شرايك الا بس وين اروح ابمشي برجولي للولاده >>>>> يا عيني قويه 😆 hy:
طولت عليكم طيب بس ابغى اللي ماقد جربت تتخيل وش يصير لها يمكن تمر بحالتي
وادخل على القسم ولا الدنيا هااااجده وانا بس اتحرى الصراخ والاصوات 😆 🙂
قلت يللا زين شكل الولادة ماجت الا لي على هالصبح خخخخ
وادخل الغر فه وتعطيني الممرضه الجلابيه الخضراااااااء <<< ياناس عندهم ذوق اللي مفصلينها
وغير ملابسي والبس هالجلابيه وتجي تاخذ الضغط وتربط بطني بكم حزام <<< الظاهر هذا اللي يقيس النبض ويسجل الطلق
الا واسمع جنيني بسم الله على قلبه شكله خاااايف النبض سريع <<< يا بعدي روعته وهو بعد ماجا يومه خخخ
قالولي انتظري الدكتوره تجي تشوف الرحم
قلت اييييه هذا اللي ابيه عجلوا بس
وجالسه ادعي يصير الرحم مفتوح اكثر من 3 سانتي <<<< طماعه شوي
واجلس نص ساعه ماجت الدكتوره وبعدها شرفت الله يجزاها خير وقالت يللا نشوف
ولما شافت وانا بس اطالع فيها انتظر كم سانتي
الا تقول للممرضه اللي معها ((( اتز لووووكد))
😈 وشوووووووووو واطير عيوني قلت خير قالت معليش مدام الرحم مقفول مايصير ولاده
وتلتفت الدكتوره على الجهاز ذا اللي يطلع نبض الجنين وتطير عيونها وتقول(( اتز نت ووركنق)) <<<عمى من اليوم مربطيني واخر شيء الجهاز مايشتغل
قلت مايخالف هذا الحظ وهذا اللي كاتبه ربي والحمدلله على كل حال
يللا بروح لبيتي
قالت الممرضه معليش مدام لازم اخلي الجهاز عليم نص ساعه انتظري شوي
تيب تيب تيب وانتظر لين ماخلصت واقوم اضف عفشي وافسخ جلابيتهم والبس لبسي واطلع
وياحرام ودكم بس تشوفون زوجي شلون متحطم زياده انه سمع عن كم وحده ولدت وهو ينتظرني
قلت يللا معليش بكره ان شاء الله نجي خخخخخ تسكت بزر
وارجع البيت والطلق مافكني
بس الحمد لله جا في بالي اغسل في حلتيته بعد العصر تقريبا يوم عجزت انااااام من التعب
ومادريت الا طارت الولاده وراح الطلق وطحت في سبات للعشا
(( العبره اللي في القصه اللي فيني صار شمم والحلتيته أدت الواجب))
فاللي تمر بحالتي لا تهلك نفسها ولا تجلس بالمستشفى يحوسونها
وشكرا
طولت عليكم
بس تعالوا نسيت بغيت منكم اللي تعرف شيء يفتح الرحم تتصدق علي لانه الحين شاغلني شلون بفتحه
<<<< حسيت انه علبه صلصه 😐
وبسسسسس
