وش السالفة؟؟؟ علموني يابنات

السلام عليكم ورحمة الله وبركاته
عزيزاتي
الحمدلله ولدت من تقريبا شهرين
وبدأت أخذ حبوب منع الحمل ميكرونور الخاصة بالرضاعة
والحمدلله أرضع رضاعة طبيعية بدون رضعات صناعية
ولكن بعد تقريبا 6 ايام من أخذي لحبوب منع الحمل
جتني الدورة 😆 🙂
هل هذا طبيعي؟
اللي اعرفه ان اللي ترضع نظيف ماتجيها الدورة؟؟:D
وهل هذي دورة او نزيف من لخبطة الهرمونات؟
وصرت عصبية واخلاقي تجاريه على مايقولون 😈
استمر بالحبوب؟
او اتركها واستخدم العزل وأمري لله؟؟
وانا سمعت ان الحبوب تنأخذ باليوم 35 من النفاس او خامس يوم من الدورة صحيح هالكلام؟ 😳
انا اخذتها بعد الاربعين باسبوعين
واخذها بوقت محدد ما اغير التوقيت
وش السالفة؟
ياريت تطمنوني
انا استشرت دكتورة قالت هذي مو دورةهذا نزيف واذا بغيتي النزيف يوقف خذي حبيتين 😎
ما اقتنعت بكلامها
قلت استشيركم وماخاب من استشار
وكل الاعراض اللي احس فيها من الم بظهري وبطني والغازات والعصبية والنوم اعراض دورة عادية
ياريت تطمنوني ماعندي خبرة بحبوب منع الحمل اول مره اخذها
اسفه على الإطالة وشاكرة حسن تعاونكم مقدما 😛