عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيفكم يافراشات؟
اليوم جايبة لكم طريقة خطيرة ومفعوله يبين من اول اسبوع وطبيعية
بقولكم السالفة من اولها
امي كانت عندها اثار حبوب سوده في رقبتها ماادري من شنو؟
بس طلعت لها فجاءة ومارضيت تروح
ويوم من الأيام جاتها رساله على جوالها
فيها خلطه تشيل التشققات واثار الحبوب
والله يا بنات ان الحبه لونها بهت من ثاني استخدام
وانا ماصدقت خبر رحت ركض وسويت الخلطة
واستخدمتها على ظهري لان ظهري مليان اثار حبوب هو وكتوفي
من بعد ماشارت علي اختي الله يسامحها تشيل لي ظهري وكتوفي بالحلاوة
وبعدها طلعت لي حبوب وظلت اثارها
والله يابنات كانت من بعد اميال تبان الحين استخدمت الخلطة بس 4 مرات
وماهو بإنتظام يوم استخدمها ويوم اتكاسل يعني على حسب المزاج
والله الي يقرب من ظهري يشوف الحبوب بس من بعيد ماتبان وبهت لونها وانا توني مستخدمة الخلطة 4 ايام وبدون انتظام
والتشققات الي في فخوذي خفت بشكل رررررررررررررررهيب وانت جربوا وشوفوا النتايج
ادري ان طولت عليكم وسردت لكم قصص العائلة 😉 بس عشان اوضح لكم المشكلة بالضبط وليش تستخدم هذي الخلطة ومكتوب في الرسالة الي وصلت انها تستخدم لازاله الاماكن السوداء بس انا ما ظهرت لي نتائج استخدامها على الاماكن السوداء يمكن لو التزمت باستخدمها كان طلعت النتائج
وبقي الحين اقولكم الخلطة 😈
اول شيء قبل ماتسخدميها قولي (بسم الله الذي لايضر مع اسمه شيء في الارض و لافي السماء وهو السميع العليم)
ثم اخلطي مقدارين متساويين من خل التفاح و زيت الزيتون ويدهن به المناطق المطلوبه قبل الاستحمام بساعه يوميا لمدة اسبوعين حتى تظهر النتيجة
بالنسبة لي كنت احط الخلطة قبل ماانام واصحى الصبح اتروش
وانت جربوها وياليت تكتبوا نتايج تجربتكم هنا عشان يشتفيد الكل
حلو اننا نتعاون وكل وحده تكتب تجربه جابت معها نتيجة
في بنات انانيات مايحبوا الخير لأحد الي تستخدمة وتستفيد منه ماتعلم احد فيه
وانا حبيت افيدكم من تجربتي الشخصي
والي تحب تنقل الموضوع مافي مشكلة بس تكتب المصدر منتدى القراشة
موب شرط تكتب اسمي
تحياتي
