عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اولاً:الحمدلله الذي ينبغي لجلال وجهك وعظيم وسلطانك|
طبعا في يوم الثلاثاء الموافق 8_6_1423هـ
الفجر وبدون اي مقدمااات وانا نايمه قمت الا ووالمويات نازلة علي
كان فيه الم شكله الطلق بس مدري من اسبوع ولا اهتميت
كنت امشي اشرب قرفة,عسل,تمر
المهم
رحت للمستشفى وهو الحياة الوطني بخميس مشيط اللي سالتكم عنه
والله لايوريكم والاستقبال الرهيب بقسم الولاده مخاااصمه رفضو يدخلون امي معاي
وانا رافضه ادخل لحالي
دخلت الساعه 5 ونص الفجر ولسى المويات تنزل كشفت طبيبة مصرية قالت 1سم
جت الشاعه 9 قالت برضو 1سم
الساعه 10 عطتني تحميلتين
وتركتني جت الساعه12 نفس ماهو 1سم
اعطتني طلق بالمغذية
ومافي امل
وطول هالوقت امي طالعه نازية عند المدير وبالاخير اخذت ورقة ودخلت معاااي 😥
تطمنت لما جت معاااي لاني خفت من الطلق الصناعي قلت الحين بس والله ان يتهبلون فيني
وخصوصا لما عفرفو اني بكرية تركوني قالوا مستحيل تولدين الحين وفعلاااااا
المهممم ياطويلات العمرر
جت ام زوجي الله يحفظها العصر معها قشر وشوربة انقذتني صراحة لاني رحت بجوعي
ولاعطوني شي
شربت القشر مع العسل والحمدلله احس اني تقويت شوي
وزاد الطلق معااي عالساعه 9 الليـــل
بس لسى 1سم
الساعه 12 خلاااااص وصلت حدي
جا الالم الصدق بس الحمدلله ماطول معاي
قمت شليت مغذيتي ومشيت مشيت مشيت مشيت ❗
بس تجيني الطلقة معد اقدر امشي احس سبحان الله حتى نفسي معد اقدر ارده
بس هي لحظات قليييييييييييله
اوقف مع الطلقة معد امشي وامي من ورا ظهري من فوق لاسفل ظهري تمسكه بقوة ويروح الالم وامشي
ماكملت ساعه الا واحس يابنات في شي بيطلع من تحت
بس كذبت نفسي ورحت ع سريري و 😆 🙂 امي متابعه جهاز الطلق ويزيد الطلق بدال ماكان يرتفع ل50 وينزل لااا الحين الى 100 وينزل ل70
انا تحاملت على نفسي الالم
اتاريني خلاااص وصلت لمرحلة الولاده
وامي نادت الدكتورة
جت كشفت قالت 9 سم 😆 🙄 مرررة فرحت يابنات
انا اكثر شي تعبني الملل والطفش
وعلطووول جو طفو النور وطلعو مامتي ورا الستارة والحمدلله من ثالث دفعه طلع ولدي اللهم لك الحمد
طلع مخنوق حتى مابكى ولا شي انا نسيت من نفسي قمت اسال ليش ولدي مابكى مااات 😆 hy:؟
الا وشوي اسمعه يبكي بحرارة شفطوووه ورروشوه وجابوه عندي سبحان الله يابنات وربي من امتع اللحظات
واجملهااا,,
نصيحتي لكم يابكريات
لاتسمعون الكلام السلبي عن الولاده
والله اني شفت بنات الله المستعان
بقسم الولاده الوحده كانها بهيمه مو انسانه صياحها ملا المستشفى والله الولاده مو صيااااح صدقونني
احنا بس متاثرين بالمسلسلااات
انا كنزت طاقتي للدفع مو للصياح مو عشان كذا الحمدلله يااارب طلع بسرعه
وهونوها لا تشيلون همي انا كنت اقرا قصص هنا بالمنتدى وابكي من الخوف بس والله انها من احلى اللحظات
وعليكم بالدعاء وكل شي بيتيسر ان شاءالله
دعواتكم لي ولولدي محمد
ودمتم سالمين
