عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اليوم جايبه لكم وجبة عشاء سهله ولذيذه انا امس مسويتها لزوجي وعجبته مره
المقادير:
نص دجاجه بدون جلد مقطعه صغار ومغسله + بصله كبيره مقطعه مكعبات + 2 حبه طماطم مقطعه مكعبات + 1 حبه فلفل رومي مقطع مكعبات +
4 حبات باذنجان مقطعه دوائر +ملعقه صلصه + ملح وفلفل اسود مطحون وكمون مطحون وكزبره ناشفه مطحونه.
الطريقه:
نحط البصل على النار مع شوية زيت ونقلبه لحد مايذبل وبعد كذا نضيف له الدجاج والطماطم والصلصه والفلفل الرومي والملح والبهارات ونغطي عليه لحد مايذبل الطماطم ونجلس نحركه لحد ما تنشف مويته ويبقى فيه شوية زيت
بعد كذا ناخذ الباذنجان ونقليه بالزيت
ونرص الباذنجان بالصينيه ونصب عليه خلطة الدجاج
الحين نسوي خلطة البشمل الي عباره عن 2 ملعقه جبنه سايله كرفت وملعقه مايونيز وعلبه قشطه
ونخلطها مع بعض ونضع عليها نص ملعقه صغيره فلفل اسود ونصبها على وجة خلطة الدجاج وندخلها الفرن نحمرها من اعلى بس .
وهذا شكلها بعد التقديم
ان شاء الله تعجبكم
دعواتكم لي.
😀
