عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اول شي يامرااااااحب فيكم جميع حباااااايبي والله ,,
مشكلتي تقريبااا تافه بالنسبه للي نشوووف مشاكلهم بالمنتدى الله يصبرهم ويعينهم
مشكلتي وحده من قريباااااتي مررررره صديقتي وهي بسني ومن يوم عرفت الدنيا وهي صديقتي تزوجت ولد خالتي الي هي كرهها صداقتنا وقد سمعت تقول مارتاح لين افرررقهم وش السبب …؟
ليومكم هذا ااجهله طبعا وقتها كنت بزر مافهم شي مرت علي ماتضايقت حاولت انصحها ترررفض الزواج وكانت مثلي ماتبيهم بس طبعا تدخلات وتحبيب خشوووم رررضت لاننا بزران يوم تزوجت عمرها 18 سنه
المهم تزوجت وعاااااشت حياتها والحين معها ولد وحامل بالثاني مو موضوعنا
حبيت اقوولكم خالتي ذي لها بنات نسخه منها حسد وغيره وحش بالناس يعني نااااس الله مو مريحهم تنفرين من المجلس الي هم فيه حتى الي يشوفهم لاول مره مايرتاح لهم برضو مو موضوعنا
الموضوووع قريبتي ذي تغيرت صاااااااااااااارت نسخه منهم غيره حسد حش بالناس نفاق وصااار بيت العايله شلليه لدرجه كرهت اروووح له
المهم بعد ماكنت اختي الي ماولدتها امي صاااارت وظيفتها بالحياه تحطم فيني تكسر ثقتي بنفسي انواع التعليقات علي
مابقول انا جميله و و و لا انا من البنات المفلتين للنظر بالشعر واللبس والملامح فكثير انمدح المهم صارت نشبه لي بس انا تعودت ع ذي االنوعيه لان بالكليه واجهت كثير منها وبالعكس زادت ثقتي بنفسي انو في احد يغااااااار مني بس اليووووم
حطمتني يوم شافتني امازح ولدها وابيه يضحك قالت لي انت ماتعرفين تلعبين الاطفال مو لايق عليك قلت ليش قالت كذا والله حسيت خنجر بصدري مدري ليه اخذتها بضحك ولا اصلا ودي اكفخها بقرب شي جنبي لان طفح الكيل منهاا
صرت الحين بس ساكته ولا احب اكشخ واجد عشان لا انمدح وترد وتحرجني يعني صرت اتجنبها
بس الحين بعد كلمتها ذي شكلي مابتحرك ابد ولا حتى بمسك الصغار جننتني بجد
ابي ترفعون معنوياتي بلييييز لان ذي النوعيه بحياتي كثير ياربي ليش مو مثلهم انا اغار وانجن سبحان الي خلق وفررق هو مو مره تغيرت للحين مثل مانا بس من الداخل شي ثاني بالكليه عادي ماياثر فيني بس من قريبتي مررررررره تاثرت و اعذروني افكاري مشتته بس اظن المشكله وصلت
تحطمت فاعيدووواا تجميعي
