عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ………
أخباركم ……….؟؟
ياحبايب قلبي انا جايتكم اليوم واتمنى تساعدوني وتشوفون لي حل لاني بصراحه وصلت لحد الخلاص
انا متزوجه لي 10 شهور تقريبا ….
كل يوم عن يوم انصدم في الشخص اللي ارتبطت فيه …
بنات مافيه امل يتغيررر ولا فيه اي شي يخليني مجبوره اعيش معه ولاشي يابنات من غير ما اكذب
انسان مدري ماعنده هدف في الحياه ..
مجبوره اتكلم بصراحه … صلاة المسجد مرتين تقريبا في الاسبوع والباقي عندي في البيت وتاخير صلاه وجمع وحاله ….
يحسس نفسه انه مشغول على الاخر وهو ماعنده شي فااااااااااضي
مايحب يجيب طلباتي الا بعد ماتطلع روحي من الالحاح
ياكل وينام واذا صحى انبطح عند التلفزيون وعيونه مغمضه وكسوووووووووووووووووول لدرجة تقرفني
يحب يأجل كل شي مستحيل مستحيل اقول نطلع مشوار بسيط يقول يلا … مافيه حيويه ولا نشاط ولافرفشه
اذا طلعنااا يكون طفشاان ولايسولف ولايضحك ويطفشني ونرجع من النكد كاننا رايحين عزاء مو تمشيه
احس متزوجه شايب >>> حتى الشايب اظن بيونس اكثر منه …
يدخن انا اتعطر له وهو يجيني بريحة الدخااان …
اذا كنت مروووقه مستحيل يخليني مروقه لازم ينكد علي >>>
يوعدني بالتغييررر لكن لاحياة لمن تنادي
انا والله يابنات تعبت وحاولت وماقصرت وسويت بس الحين افكر اتركه في حاله يعيش حياته واعيش حياتي ..
ما اظن عشره شهور قليله ولا كان تغير شي واحد على الاقل
عاملته باسلوب .. ومرات طنشت ومرااات لفت نظره ان هذا الوضع مايتحمل
هووو مايقدر يعيش من دوني بس مع هذا …ويحبني …و ماادري وش الحل …. اذا هو مو راضي يتغيررر كيف يبيني اتحمل انا كل يوم انضغط واتعب وابكي واحزن … ليييش …؟؟
ابيه يترك الدخان …
ابيه يترك التاجيل ..
ابيه يترك الكسل والخمول ..
ابيه يخفف من كرشته ..
ابيه يحافظ على صلاته في المسجد ..
ابيه يصلح اسنانه اللي اكلها الدخاان ..
ابيه يصلح سيارته االلي ما اقدر اوصفهاا ولاتوقعت بيوم من الايام اركب هذي السياره ..
ابيه يحافظ عى نظافته وريحته …
ابيه يقدم لي مساعده يشيل بيده شي يبادر بشي ..
وربي كل هذي الاشياء من تزوجته الى اليوم وانا في نفس الحاله ..
وصبري بداء ينفذ وبديت افكر بجديه اني اتركه …
