والله واثقه فيه بس …. قولولي ايش اسوي

كيفكم حبايبي
اااااااااه حاسه نفسيتي زي الزفت
المشكله انا عارفه انه من لاشي بس ماني قادره اشيل الموضوع من راسي
انا افهمكم انا عندي شغاله اندنوسيه صغيره في العمر وبصراحه فيها ملامح حلوه وتحسونها طفله ساذجه
ما تفهم هلكتني المهم كل ما تاجي تطلع الدرج ترفع ملا بسها شويه وتكشفلي سيقانها او وقت تاجي تكنس تجلس جلست القريفصاء وتتكشف كمان
المهم هذا الموضوع رافعلي ضغطيييي
رحت واشتريت لها هذي السراويل الطويله القطنيه
وصارت تتهرب انها ما تلبسها بسبب الحر بس انا وراها ما اخليها
المهم مع هذا الموال مره حلمت واااه من هذا الحلم اكرهه
حلمت اني كنت جالسه ادور على الشغاله ما ني لقيتها وطلعت لدور الثاني فلقيتها جالسه القريفصاء وهي كاشفه سيقانها تكنس عند باب غرفت نومي وزوجي جالس يتنشف بالمنشفه وهو توه طالع من الحمام اخذ شور على راسها فلما شفت المنظر جلست اصارخ واصارخ عليها وعلى زوجي وهي ما تنظر لا في ولا فيه وتبتسم ابتسامه ناعمه والله اني دمي يغلي من ذاك اليوم وانا لي ثلاث ايام وانا ما انام واحس بكره اتجاه زوجي والخدامه كانه حقيقه اعوذ بالله
وماني قادره اشيل الفكره من راسي كل ما اشوفه او اشوفها اتذكر الموضوع
مع انه زوجي عمره ما نظر فيها وانا وااااثقه فيه عن جد بس ما ادري ليه هذا الاحساس والله انه من ذاك اليوم ما اخليها دقيقه تمر قدام زوجي واذا خرجت لحالي اشيلها معيواذا مع زوجي اخليها في البيت بس ماني مرتاحه نفسيتي اتجاههم تغيرت حتى امي حاسه انه فيني شي متغير بس ما حكيتلها لاني عارفه حتضحك على
بس ايش اسوي عن جد شاغلي تفكيري الحلم وهو حلم