عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انا أول مره اطلب مساعدتكم وأتمنى ما تخيبون ظني والله شاب راسي من كثر التفكير ….
هذه قصتي من أول …
أنا مخطوبة وملكتي ثالث او رابع يوم العيد …..
أختي قبلي سوينا لها حفلة ملكة …لكن العريس مادخل ….
لكن الحين العريس بيدخل ….
يعني ماني فاهمة الوضع أبدا ….ساعدوني
احنا بيتنا كبييييير والصاله كبيرة والدرج في وسط الصاله ….وهذا اولا …..
وثانيا مجلس الرجال الكنب متصل وأنا قلت بشيل شوي من الكنب المتصل وبحط الكوشه طبعا الكوشة بسيطة وناعمة ومن شغلي …
والتوزيعات انا مسوية ثلاث توزيعات وما أدري وين أحطها ؟أحطها في المجلس عند الكوشة ولا في الصالة مكان الحريم ؟؟؟والله ماني فاهمه ….
وأنا مسوية شريط زفه باسمي واسمه ….متى أشغل الشريط ومتى أدخل وهل هو يدخل قبلي ولا أنا ….
وطاولة الاستقبال ايش احط فيها ….
وابي اسوي طاولة تراثية فيها توزيعات تراثية على جنب ….كيف شكل الطاوله ووين أحطها مع الكوشه ولا كييييف ؟؟؟
وطيب لنفترض حطيت التوزيعات عند الكوشه ودخلوا اهل المعرس وخلصوا وبيرجعوا للصالة كيف نعطيهم توزيعات أشيلها من مكان الكوشة وادور فيها ….
ولا اخلي التوزيعات بالصاله وهم طالعين ياخذونها …أنا ودي اخلي التوزيعات في المجلس عشان تعطي شكل حلو مع الكوشه لان التوزيعات عبارة عن مجسمات كبيرة تنحط على الأرض من حجمها الكبير يعني مو سله صغيرة …فهمتوا علي …
طيب قولوا لي كيف اتصرف والله مو فاهمه شيء تعبت من كثر التفكير ….
وايش ينحط على الطاوله اللي قدام الكوشة ….
اللي عندها خبرة تقولي لا انا ولا خواتي فاهمين الوضع وكيف الترتيبات
وعلى فكرة المعازيم فقط سبعة أمه وخواته وخالته فقط …………………..
الله يفرج عليكم فرجوا علي
