والله ما اشتركت من جديد الابسبب قصة الاخت؟؟؟

السلام عليكم ورحمة الله وبركاته
اخواتي انا مو جديده انا ليا سنين في المنتدى بس لما قريت قصة وحده من الاخوات في المنتدى وعنوان قصتها كان ( عشر سنوات من الاعتداء) تاثرت جدا” حسيت انها بتحكي عنى وكان نفسي ارد واشارككم ماغص قلبي سنين طويله لعلي اشعر بالراحه وهدفي الثاني هو حتى تنتبهو لاطفالكم من اقرب قريب وربي يحفظ لكم اطفالكم وجميع اطفال المسلمين ويارب ما يتعرض اي طفل للى تعرضنا له لانه يبقى محفور العمر كله.
حبيباتي بختصار ابوي رجل شددددديد جدا” كنت اخاف حتى اسمع صوته قسم بالله اني كنت اخاف منه لدرجة شعره ويغمى على
امي لا حول لها ولا قوه مشغوله بالاكل والبيت وابوي
انا اوسط اخواني لى الكثير من الاخوات والاخوان
منذ كنت في ال7 وانا اتعرض للتحرش هل لاني جميله ؟هل لاني صغيره؟هل لان الذئاب كانت بيننا ولا تفرق بين صغير وكبير؟ لا اعلم وحسبي الله ونعم الوكيل
اول مره تعرضت فيها للتحرش كان لرجل من سن جدي ( جدي واعمامي كانو ساكنين عندنا بنفس البيت) اذكر ان صديق جدي جانا في يوم ولم يكن جدي هنا فقال لى تعالى جدك بيغاكي فذهبت معاه دخلني بيت جنب بيت اهلى بس ما كان فيه احد تقريبا” مهجور .قلت له وين جدي قال تعالى وقالى نامي هنا قلت له ليش قال بس كذا وعصب ونومني بالغصب ونام فوق والله يابنات حسيت ان عظامي تكسرت وصرخت هو خاف وتركنى بس هددني بابي ركضت جري على البيت وانا ابكي قالت لى امي ايش فيكي قلت لا بس طحت خفت من ابوي انه يقول لى ليش تروحي معاه
كان ممنوع علينا نخرج نلعب مع اطفال الجيران فاكنا نترجاهم يجو يلعبو معانا في البيت وكثيييييييييييييير كنت اتعرض للتحرش من الاولاد الاكبر سنا” هم اصحاب اخي الكبير كان عمرهم مابين 12 و13 سنه
(للمعلومه كل التحرش كان من فوق الملابس )
لما صار عمري 11 سنه صار عمي الكبير
(اصغر من ابوي) تقريبا” كان عمره32 سنه بداء يتحرش فيني يلمس صدري وبين افخاذي ويخليني المس له كنت اكره الساعه الى يناديني فيها
لما كبرت وصرت البس حملات صدر اذكر انه سألنى ايش هاذي فاستحيت من سؤاله وقلت له اسال جدتي
اذكر مره اعترضت على تصرفاته فزعل وقالى روحي وراح تشوفي كيف بخلى ابوكي يضربك بالعصايه؟؟؟ خفت لكن ما اخذت كلامه على محمل الجد
ولما جاء ابوي ولاقه جالس زعلان قاله ايش فيك تخيلو يابنات ايش قاله؟؟؟؟
قاله اني انا اتهمه انه هو عمى وزوجة ابوي على علاقه.حسبي الله ونعم الوكيل
والله يابنات ان اليوم هذا محفور بذاكرتي لليوم كان عمري 13 سنه جاء ابوي وناداني قسم بالله يابنات كان بيغمى على من الخوف لما دخلني ابوي غرفته وحقق معاي وضربني ضرب وطلع المسدس وقال والله اطخك لو عدتي هذا الكلام اذكر من شدة خوفي اتخبيت وراء الستاره ماقدرت ادافع عن نفسي حسبي الله وعم الوكيل حسبي الله ونعم الوكيل
( امانه يا بنات لاحد يدعي على ابوي انا مسامحته هو من خوفه علينا كان يسوي كذا مادرى انه كان لازم يخاف علينا من الى بيننا اكثر من الى برا البيت)
من ذاك اليوم صرت اخاف من عمى كمان وصار يتحكم فيا
امي كانت تحس انه في شئ يعنى لما عمي ينادينى واجلس عنده شوي وامي تنادي على وكان عمي يقولي روحي شوفي امك ايش تبغى وتعالى ولا ترى انتى عارفه؟؟
كنت والله يابنات ادعى ربي بيني وبين نفسي ان امي تناديني علشان اتفك منه شوي
الى فكني منه موقف حصل وكان عمري 16 سنه جاء عمي في يوم وابوي كان مسافر وامي عندها عزيمة حريم فكانت امي واخواتي مشغولات واخواني ما صدقو ابوي مسافر وبرا على الشارع مع اصحابهم
ناداني عمي وكنت متكشخه لان عندنا حريم ما توقعت انه حتى بهذا الوقت ماراح يعتقني
لما رحت له تنح فيني وكانت معاه ريحه غريبه وتحجج انه اجلسي بسولف معاك قلت له بروح اساعد امي قال شوي بس وبتروحي
المهم جلست شوي وقام وقفل الباب وطفى النور واعتدء على والله يابنات اني من كثر ماانا مصدومه ما بكيت بس كنت اناظر في السقف ارجف واقول يارب خذني يارب خذني وكنت ارددها بسرعه وانا متنحه في السقف وهو والله يابنات كأن شئ رفعه عنى قام يطالع فيني ويقول فلانه فلانه ايش فيك وانا ما ارد
قمت لبست ملابسي وهو خاااااااااااااايف مره ولا يتكلم ناظرة فيه وقلت له هاذي اخر مره اسمحلك تسوي فيني كذا قسم بالله لو تناديني مره ثانيه لافضحك خلاص ماراح اخسر شئ بتقول لابوي قول وانا اقول خلاص هي موووته وحده ولا تحاول الشي هذا مع اخواتي الصغار لأقتلك والله يابنات انه ما يرد ورجعت البيت والله يابنات جلست تحت الدش بملابسي وابكي وهو الكلب طلع من البيت وغاب يومين ورجع بس ما تجرئ حتى انه ينزل عندنا مثل اول
حسبي الله عليه عيشني في رعب اني اكون مو عذرا حتى تزوجت ولله الحمد طلعت عذرا كأن ربي رده عني حسبي الله ونعم الوكيل.
معلش يابنات طولت عليكم بس حبيت اذكر قصتي حتى تنتبهو لعيالكم نادو عليهم كل شوي روحو شوفو هم مع مين؟ وايش بيعملو؟ ولا تخلوهم يروحو مع ايا” كان وعلموهم الثقه فيكم .
ربي يحفظلي اطفالى ويحفظ لكم اطفالكم وجميع اطفال المسلمين
وربي يرد كيد اي احد يبغى فيهم السوء لنحره وحسبي الله ونعم الوكيل.