عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم يا فراشات:)
انا نفسي افضفض لان زوجي الله يسامحه ضاغط علي ومخليني ماني عارفة احس بطعم الحياه
انا كتبت مشكلتي من قبل واني عندي ولد الله يحفظه حملت فيه بعد شهرين من زواجي ماشاء الله
بعد ما وقفت المانع ماصار حمل … وبعدها بفتره بدأت الدوره تتلخبط علي و اكتشفت ان عندي الغده
وصرت اخد الثايروكسين لمدى الحياة ….
وبعد فتره انتظمت هرموناتي ولله الحمد (مع الاستمرارفي العلاج)
لكن التبويض ضعف
الدكتوره اللي بتابع معاها صراحة اخلاقها مررره زفت و فضلت تمرمط في سنتين من غير علاج وكل اللي فالحة فيه تحلل لي يوم ال21 من الدوره وتقوللي التبويض ممتاز بس عمرها ما عملت سونار
بعدين عملت سونار و طلعت البويضه صغيره
واحنا لى فكره في بريطانيا والعلاج على التأمين يعني ماتقدري تغيري المستشفى او تروحي خاص على حسابك
قاللي زوجي نروح في السعوديه في الاجازه تكشف عند دكتوره هناك …
لكن اجازاتنا دايما قصيره وكل اجازه يتفق مع اهله نسافر يومين جده و يومين المدينه ويقوللي ما يقدر يقولأهله ابغى اودي زوجتي الدكتور ( ما يبغى تنفضح انو عندي مشكله على قوله كأنه عيب ولا حرام اني امرض)
ففي النهايه قررنا اننا نلغى فكره العلاج في السعوديه
هذي اليومين شفته مهموم على الاخر فقلت له انا عندي استعداد اوصي على كلوميد من السعوديه واخده من غير استشاره ونشوف يمكن ربي يكرمنامع العلم اني الان ادرس ماجستير وصعب علي هدي الفتره ابدا في علاج هرموني لكن قلت عشانه وعشان زعله
بعدها قريت في النت ان الغده ما يبغالها كلوميد فقلت له
قام عصصصصصصب وقام ينفخ في
ويقولي شوفي علاج مانقدر نتعالج وانتي السبب لو سمحتي بعد كده استحي على نفسك ولا تتوقعي مني هدايا وروحات ودلع……
يعني بالعربي يقوللي احمدي ربك اني متحمللك 💡
وهدي مو اول مه يلمح بزي هدا الكلام
ليش مو انا زوجته اللي متغربة معاه وقاعد اتحمل الغربه عن اهلي و بلدي لمده اربع سنين الى الان
هو الحمل بيدي او بيد رب العالمين
مو احنا ولله الحمد عندنا ولد مالي علينا البيت الله يحفظه ويطرح فيه البركه
ليش بني ادم ماتملى عينه الا التراب ليشش
انا ايش في يدي وما عملته قولولي اذا انا غلطانه في شي
والله لمن تجيني الدوره اني ازعل وانهم لكن خلاص اتعودت فأقوم احط مناكير
يقوم يصرخ في و يقوللي انتي فرحانه تحطي مناكير كأنك ناسيه انك منتى قادره تحملي
يبغاني ادفن نفسي بالحيا
انا ماعد متحملته المفروض يوقف بجنبي و يحسسني ان ما عندي نقص مو العكس
انا اللي اواسيه واقوله اتفتاءل و توكل على الله
سامحوني على الاطاله واتمنى من الفراشات يقولولي ايش اسوي معاه
